ALA MAI! Napa 1 2018 | Te Auala ke Maua te Fiafia
KA MAUA NE TATOU I FEA A FAKATAKITAKIGA AOGA KE OLA I SE OLAGA FIAFIA?
E fai mai te Tusi Tapu: “E fia‵fia a latou kolā e se ‵se i olotou auala.”—Salamo 119:1.
Ka fakamatala mai eiloa i mataupu konei e fitu a auala ma‵goi kae aoga i te fakaaogaga o fakatakitakiga kolā e fesoasoani mai i se auala lasi ke maua ei te fiafia.
Ke Salasala ki te Auala
E mata, e manatu ifo koe i a koe se tino fiafia? Se a te mea e fai ne ia koe ke fiafia?
Lotomalie mo te Uiga Kaimalie
E mafau‵fau a tino e tokouke me i te fiafia e fua ki te uke o koloa mo maumea. E mata, e aumai ne tupe mo koloa a te fiafia tumau? Se a te fakamaoniga e fakaasi mai i konei?
Foitino Malosilosi mo te Loto Malosi
Kafai ko se ‵lei ‵tou ola ‵lei, e mata, ko se maua ne tatou te fiafia?
Alofa
A te tukuatuga mo te mauaga o te alofa se vaega tāua ke maua ei ne se tino te fiafia.
Loto Fakamagalo
A te olaga telā e ‵fonu i te kaitaua mo te ita fakamoemoe e se fakafiafia io me ‵lei ki ‵tou ola ‵lei.
Te Aoga o te Olaga
A te mauaga o tali fakama‵lie loto ki toe fesili tāua i te olaga se vaega tāua o te fiafia.
Fakamoemoega
E tokouke a tino e faigata ki a latou ke fia‵fia māfai e se mautinoa i a latou a te lotou fakamoemoega mō aso mai mua kae penā foki mo olotou tino pele.
Tauloto ki Mea Tai Uke Atu e Uiga ki te Auala ke Maua te Fiafia
E uke a auala ‵tonu kolā e fesoasoani atu ke maua ne se tino a te fiafia io me ko te sē fiafia. Ke tauloto ki se auala sē ‵togi e tasi telā e mafai o fesoasoani atu ke iloa ne koe a mea tāua i nisi feitu o te olaga.
