LAJ KʼAAKʼALEHOM Ajl 2, 2018 | Chanruhaq li kutan chalkebʼ re?
CHANRUHAQ LI KUTAN CHALKEBʼ RE?
Ma ak xaakʼoxla chanruhaq laayuʼam ut xyuʼam laajunkabʼal saʼebʼ li kutan chalk re. Li Santil Hu naxye:
«Li tiikebʼ xchʼool teʼreechani li chaabʼil naʼajej [“li Ruuchichʼochʼ”, TNM], ut aran teʼwanq junqʼe junqʼe kutan» (Salmo 37:29).
Li hu aʼin tatxtenqʼa chi xnawbʼal kʼaru li rajom li Yos choʼq re li Ruuchichʼochʼ, choʼq rehebʼ li kristiʼaan ut li tento taabʼaanu re naq taataw rusilal.
Xnawbʼal li tkʼulmanq
Chalen najter qʼe kutan ebʼ li kristiʼaan nekeʼxsikʼ xtenqʼ re xnawbʼal kʼaru tkʼulmanq saʼebʼ li kutan chalk re abʼan moko junelik ta us nekeʼelk.
Li nekeʼxtzʼil rix li chahim ut ebʼ laj qʼe: ma naru nekeʼxye li tkʼulmanq?
Ma paabʼajel ebʼ li naʼlebʼ aʼin?
Ebʼ li propesiiy li ak xeʼtzʼaqlok ru
Ebʼ li propesiiy li wank saʼ li Santil Hu xeʼtzʼaqlok ru joʼ ak yebʼil chaq.
Li eetalil li naxkʼut chanru kitzʼaqlok ru jun li propesiiy
Jun li eetalil li keʼxyiibʼ saʼ li tenamit Roma naxkʼutbʼesi naq natzʼaqlok ru li propesiiy li wank saʼ li Santil Hu.
Ebʼ li yeechiʼom li ttzʼaqloq ru
Naabʼal ebʼ li propesiiy li wank saʼ li Santil Hu ak xeʼtzʼaqlok ru ut junchʼol chik naxye li tkʼulmanq saʼebʼ li kutan chalk re.
Laaʼat tatruuq wank chi junelik saʼ Ruuchichʼochʼ
Li Santil Hu naxye li rajom li Yos choʼq rehebʼ li qas qiitzʼin.
Laaʼat yaal aawe chanruhaq laayuʼam saʼebʼ li kutan chalk re
Wankebʼ nekeʼxye naq xaqabʼanbʼil chik li tqakʼul, junchʼol chik nekeʼxye naq li Yos yaal re li tqakʼul. Abʼan, ma yaal aʼin?
«Li qʼunebʼ xchʼool teʼrechani li ruuchichʼochʼ»
Li Santil Hu naxyeechiʼi jun li ruuchichʼochʼ bʼarwiʼ maakʼaʼaq rahilal ut maaʼusilal.
