OMUTALA WOMULAVI (WOKULILONGESWA) Kapepo 2018
Ononthele mambulilongeswa okuhimbikila mu 9 ya Julho alo 5 ya Agosto yo 2018.
Jeova Uhole Vana “Vaava Ovinyango Nekoleleyo”
Pamwe tupondola okusoya tyina tuivisa apa ovanthu vehesukile nonondaka onongwa. Mahi nongotyo atuho tupondola okukala nehambu liokukuatesako ovanthu movilinga viokuivisa.
Omokonda Yatyi “Tutuailako Okuava Ovinyango Ovinyingi?”
Tyakolela unene okuhinangela omahunga tuna okutualako okuivisa.
Noñgonoka Ondyale Yove
Onthue twii nawa omaliva a Satanasi.
Vakuendye — Kalei Tyafuapo opo Muluise Eliapu
Atuho tukahi nokulwa. Tyikahi ngoti ovakuendye vapondola okufindwa liwa-liwa, mahi vekahi nokumaneka nawa opo valwe.
EHIPULULO LIOMWENYO
Ponthyimbi Ankho Nahepa—Pahe Namona
Ponthyimbi Samuel Herd ankho wahepa, mahi pahe wamona mokonda una oupanga omuwa na Huku. Wamona vali tyipona etyi ankho asoka.