KAHN IROIR (ONG ONOP) May 2018
Kahn Iroir wet audaudki iren onop kan ong July 9 lel August 5, 2018.
KOASOIPEN ARAIL MOUR
Tepida Semwehmwe—Imwila Kepwehpwe
Samuel Herd tikida semwehmwe, ahpw eh mour mwuhr kepwehpwe nin duwen Kristian men, kepwehpwehsang dahme e kak medewehda mahs.
Popohl—Ia Duwen Omw Kak Ahneki Met?
Pwehki kitail mi nan sampah suwed ehu, kitail anahne doadoahk laud pwehn ahneki popohl. Mahsen en Koht kak sewese kitail.
Siohwa Ketin Poakohng Irail kan me Kin Kanengamah ni Arail Kin Wa
Kitail kakete mworusala ni atail kin kalohk nan wasa kan me aramas sohte kin mwekidki rongamwahu. Mendahki met kitail koaros kak wa nan kalohk.
Dahme Kahrehda Kitail en “Kapwarehda Wa Tohto”
E kesempwal kitail en wehwehki mwahu kahrepe kan me kitail kin kalohk.
Ese Omw Imwintihtio
Kitail eseier en Sehdan manaman de koasoandi kan.
Me Pwulopwul kan—Kesihnenda Teng oh Pelianda Tepil
Kitail koaros kin iang mahwen. Me pwulopwul kan kin mwomwen luwet, ahpw irail kin onopadahr ong mahwen.
Ahnsoun Rahk Ehu me Inenen Laud!
Nan ehu wasa nan Ukraine, emen sang meh pahmen kin wia sounkadehdehn Siohwa!
