MUKHEDZISEYI N.° 2 nya 2018 | Wu na ba wu khade kharini womi ga tepo yi tago?
Wu Na Ba Wu Khade Kharini Womi Ga Tepo Yi Tago?
U di nga tshuka u dzi wudzisa gu khuwe womi nowu wa ndranga yago wu na ba wu khade kharini teponi yi tago? Bhibhiliya yari khiyo:
“Va nya gululama va na fumela litigo, va na vbanya umo kala gupindruga.” — Ndzimo 37:29.
Revhista yeyi nya Mukhedziseyi yi na gu phasa gu pwisisa makungo nyo tsakise ya Nungungulu khu vathu ni mafu ni guti esi u yedego gu gira gasi u phasega khu makungo yoyo.
Gu vhumba wumindru
Vathu nya vangi va ngu phuphuteya esi si na dugeleyago mindru ga tshigu khu myaga nya yingi, ni gu avo va na ni mawonelo nya gu hambane.
Ina si ngu kodzega guti wumindru khu gu sasula dzinyeledzi mwendro gu vhumba ke?
U nga tumba dzindziya dzedzi nya gu tugule khidzo wumindru?
Siprofeto si tadzisegidego
Siprofeto nya Bhibhiliya si tadzisegide gwadi kha nga edzi si nga profetwa khidzo.
Nyumba ya gale yi fakazago lisine nya giprofeto
Gifananiso nyo khaguri gya gale gya Roma gyo fakaza lisine nya giprofeto nya Bhibhiliya.
Situmbiso si na tadzisegago
Siprofeto nya si tadzisegide, ganiolu simbe si ngana tadzisega.
U nga vbanya kala gupindruga omu mafuni
Bhibhiliya yi ngu ganeya khu makungo ya Jehovha.
Hatha wumindu wago!
Vambe vo khodwa gu khavo destino, mwendro guvhumba, khiso si woneleyago womi wawe. Ganiolu, ina lisine kamo isoso?
“Va nya gululama va na fumela litigo”
Bhibhiliya ya gu tumbisa tepo eyi va nya gu vivba na na ba vari mwalo gambe.
