OWEHAWEHA N.° 2 2018 | Nlipeleleke Exeeni Ohoolo?
NLIPELELEKE EXEENI OHOOLO?
Mootoko wiikoha moota itthu sinrowa aya oweettelani nyuwo ni emusi anyu muhoolo? Biibiliya onihimya so:
“Anaxariya animwakhela elapo yohiyeriw’aya: anrowa okhalaka-mo mahiku othene”.—Esalimo 37:29.
Erevista ela Owehaweha enimookhaliheryani wiiwexexa itthu sooloka Muluku olakenle awe owiirela apinaatamu muhoolo, ni exeeni mukhanle anyu oopaka wira muttottele mureerelo itthu iyo.
Osuwela Itthu sa Ohoolo
Atthu anceene annikhalana miyuupuwelo sinceene voohimya sa itthu sikhanle ookhumelela okumi anyu wa muhoolo, exeeni ekhanle ahu oolipelela sa muhoolo, osuwela itthu sa muhoolo, exeeni enrowa okikhumelela muhoolo muhina mwa iyaakha 1000—masi sookhumelela saya sinnivirikana.
Astrologia ni Waaxerya Ehako—Niireke Sinniwerya Woona Itthu Sa Muhoolo?
Niireke vannireerela ororomela inamuna iyo sa osuwela itthu sa muhoolo?
Iprofesia Seiyo Siiraneyale
Iprofesia sa Biibiliya sihiiraneya moomalela.
Namoona Ohinlavula a Wiiraneya wa Eprofesia
Monumento wa khalai ori oRoma onnooniherya wiiraneya wa eprofesia ya Biibiliya.
Soolaiherya Seiyo Sinrowa Wiiraneya Tthiri
Iprofesia sinceene sa Biibiliya sihiiraneya, masi sikina sinrowa wiiraneya muhoolo.
Nyuwo Pooti Okhala Mahiku Otheene Elapo ya Vathi
Biibiliya onnoniherya yoolakela ya Mpattuxa ni apinaatamu.
Okumi Anyu Ori Mmatatani Mwanyu
Akina anikupali wira sotheene siniwiiraneela soolempwa khalairu. Niireke eyo ekeekhai?
“Atthu Òmàla Anoreriwa Vathí-Va”
Biibiliya onnileiherya wira onoophiya okathi ohixariya ni otakhala onoomala.
