CEW! Na. 2, 2018
Lembe 12 ma ketho juruot gibedo ku mutoro
Wadaru winjo lembe dupa ma reco m’uketho anyong’a mbe i udi ma pol. Dong’ ang’o m’ubekonyo juruot moko nikwo ku mutoro i udi migi ke?
I kind oro 1990 ku oro 2015 i ng’om mir États-Unis, wend gamiri m’ulal mi dhanu ma oro migi ukadhu 50 umedere wang’ ario, man mi dhanu ma oro migi ukadhu 65 ke umedere wang’ adek.
Wi junyondo udaru lal: Jururieko moko giwacu nia ukwayu nifoyo awiya thiri thiri, jumange ke giwacu nia ukwayu jukimb awiya akimba ka jubemito miyo igi juk.
Aradu ma pol wang’gi ubeteng’ini ma gimbe ku bodho moko acel de ma copo konyogi i kwo migi.
Ento lemandha utie nia . . .
Gamiri copo miyo anyong’a man ecopo riyo nja m’umbe nilal.
Ecopere ni junyodo niponjo awiya migi ku mer.
Aradu gicopo nwang’u bodho ma romo konyogi ka gidongo.
Nenedi? Gazethi Cew! maeni biweco iwi lembe 12 ma ketho juruot gibedo ku mutoro.
1: Wor macikara mi gamiri peri
Juk ma tung’ tung’ adek ma copo konyo ju ma gigamiri kara gibed karacelo.
2: Nitimo karacelo
Nyo ibed ineno jadhogi mi gamiri kende kende ni ng’atu ma wukwo kude i ot acel?
3: Woro
Ponj ning’eyo nia wec man timo ma kani ma pigi tek ma copo ketho ing’eyo cuu nia jadhogi mi gamiri ubenwang’u nia ibewore.
4: Timo kisa
Ang’o ma copo konyi kara inen kosa pa jadhogi mi gamiri ni lembe m’ukadhu?
5: Niweco i kindjo
Lembe adek ma romo konyi kara icor ceng’ini kud awiya peri.
6: Twiny
Nyo nimiyo twiny ni nyathin nyayu lewic i wiye?
7: Kura
Kura ma kani m’icikiri niponjo ni awiya peri?
8: Lapor
Tekene ibemito lembe m’iyero unyang’ i wii awiya peri, ukwayu lembene uromb ku gin ma in de ibetimo.
9: Gin ma ketho jung’eyi
Aradu gicopo cungo ma tek nenedi i kum gin ma giyiyo?
10: Nibedo ng’atu ma jugeno
Niketho junyodo peri ugeni utiye gin ma pire tek pi nidoko judongo.
11: Nitimo tic ku tego
Niponjo kite mi timo tic ku tego ma fodi in aradu, copo kony niwang’u adwogi ma ber i lembe moko ci m’ibetimo i kwo peri.
12: Lembakeca
Nipong’o lembakeca peri romo dwoko cwinyi tek, romo tielo mer peri ku jurimbi, man eromo medo anyong’a peri.
Juk mange ni juruot
Juk mi Biblia copo konyi kara gamiri peri ubed ma ber mandha man kara juruot peri ubed kud anyong’a.
