AWAYK! No. 2 2018 | 12 Advais Weh Ku Mek Yu Famili Hapi
12 Advais Weh Ku Mek Yu Famili Hapi
Tudeh ih kaman fi hyaa bowt tingz weh mek it haad fi mek wahn famili stay tugeda. Bot weh mek wahn famili schrang ahn hapi?
Da di United States, bitween 1990 ahn 2015, di divoas rayt fi peepl oava 50 yaaz oal gaan op too taimz, ahn fi peepl oava 65 yaaz oal ih gaan op chree taimz.
Sohn payrents kanfyooz bikaaz a weh peepl weh stodi famili laif seh. Som a dehn seh dat ih gud fi mek payrents komen dehn pikni fi evriting weh dehn du, wail adaz seh dat ih gud fi mek payrents bee schrik wid dehn pikni.
Wahn lata yong peepl weh di ton adolt noh ga di chraynin weh dehn need fi ga sokses.
Bot di chroot da dat . . .
Marij bring blesinz an ih ku mek wahn kopl ga wahn schrang ahn hapi marij.
Payrents kud laan fi disiplin dehn pikni ahn stil shoa dehn lov.
Yong peepl kud laan fi bee machoar adolts.
Dis kapi a di Awayk! gat een 12 gud advais weh ku mek yu ga wahn schrang ahn hapi famili.
1:Vyoo Marij az Sohnting Weh fi Laas
Chree tingz weh ku help wahn hozban ahn waif stay tugeda.
2:Werk Tugeda
Yoo si yu marij mayt az yu breda er sista?
3: Rispek
Chrai luk fi wayz fi shoa yu marij mayt dat yu rispek ahn.
4: Fergivnis
Fain owt weh ku help yu fi noh foakos pahn yu marij mayt mistayks.
5: Gud Kamyoonikayshan
Chree tingz weh ku help yu jraa kloasa tu yu chiljren.
6: Disiplin
Yu tink dat wen yu disiplin wahn pikni yu mek dehn feel laik dehn noh gud inof?
7: Gud Moaral Standadz
Weh standadz yu waahn teech yu chiljren?
8: Set Wahn Gud Egzampl
If yu waahn yu chiljren lisn tu yu, yu need fi praktis weh yu preech.
9: Hoo Yoo?
How yong peepl ku stan op fi weh dehn bileev?
10: Bee Aanis ahn Rispansabl
If yu win oava yu payrents chros, ih wahn help yu fi bee wahn rispansabl adolt.
11: Werk Haad
If wahn yong persn laan fi werk haad den ih wahn ga sokses eena wateva ih du.
12: Set Goalz
Wen yu reech yu goalz ih ku bil yu kanfidens, mek yu frenship wid adaz geh schranga, ahn yu ku bee wahn hapiya persn.
Moa Help fi di Famili
Di advais dehn fahn di Baibl ku help yu eena yu marij an ih ku help yu ga wahn hapi famili.
