AGAGUDUABÁ! Núm. 2, 2018 | 12 adundehani lun gunda hamá iduheñu
12 adundehani lun gunda hamá iduheñu
Wéiriti layanuhóun uguñe weyu luagu hafanreinragun iduheñu, kati uagu añahein lubéi iduheñu ha mafanreinraguntiña? Ida liña habihini?
Labadinagua burí irumu 1990 luma 2015, dóbuliti laganwoundun ígiraguni ageiraü Meriga hadan maríeitiña ha gúnfulihaña lóugiñe 50 irumu, ani lidan hakesin ha gúnfulihañabaña lóugiñe 65, aba laganwoundun ǘrüwa wéiyaasu.
Añahein subudihabútiña ariñagutiña lunti lan lariñawagún houn isaanigu sun oura buidu lan hadüga, luagu le aban oubaü, añahein ariñagutiña lunti lan deregüda hamá agübürigu houn hasaanigu. Ibidiñeeli houn agübürigu kaba lan hadüga.
Dan le haweinamudun nibureintiña, ibidiñeti houn ida luba lan hagagibudagun luma ibagari.
Ani le linarün katei...
... gayaraati hadurarun maríeitiña gúndaañu hámagua.
... gayaraati hafurendeirun agübürigu agüriahaña hasaanigu lau ínsiñeni.
... gayaraati gürigia lan ha gayaraati lafiñerúniwa hawagu nibureintiña dan le haweinamudun.
Ida luba habihini? Tidan garüdia Agaguduabá! to, warihiba 12 adundehani lun gunda hamá iduheñu.
1. Hasandirun gani hamá buligasion hámagua
Ǘrüwa adundehani le ídehabei lun magadeirun lan hibagari keisi maríeitiña.
2. Hawadigimaridun lidan aban
Maríeitiña san huguya o ítara hiña kei bián gürigia hárügü awinwandubaña tidan tuguyaméme muna?
3. Inebesei
Ka burí lídangiñe katei le wariñagubei o wadügübei adügübei lun wasandirun inebegua wamá wámagua?
4. Ferudun
Kaba íderaguaün lun metenirun humá lun tichara hani weiriou?
5. Hayanuhan hámagua
Ǘrüwa adundehani le lunbei ladügün lúntima hayarafadun houn hisaanigu.
6. Lererehóun houn isaanigu
Hadügüba san lun masandirunhaaña lanme hisaanigu ínsiñeni hawougua anhaün erereha houn?
7. Larufudahóun lubuidun igaburi
Ka burí igaburi lunbei harufudahani houn hisaanigu?
8. Lichugún lubuidun hénpulu
Agübürigu, anhein busén hubéi lun gaganbadi hamá hisaanigu hun, úaraguala le hadügübei luma le hariñagubei.
9. Subudiguabá bungua
Ida luba hadügüni nibureintiña le hasubudirubei ligía lan buídubei?
10. Afiñewalá buagu
Mégeitibu hafiñerun bagübürigu buagu eibu aweirideina ban.
11. Benefabá
Dan le bafuredeirun asandira ínsiñeni luagu wadagimanu dan le nibureingidibu, íderagua lumutibu lira ibihei sun le uágubei báfaagua.
12. Áfaaguaba luagu le babusenrubei badügün
Ladügüba bibihini le uágubei báfaagua lúntima bafiñerun buougua, lúntima buidu lan banaagun bungua hama bumadagu luma lun gúndaatima ban.
Lanwoun ariñahani huuti houn iduheñu
Gayaraati líderagunün adundehani le tídanbei Bíbülia lun gunda lan hibagari keisi iduheñu.
