I HLAU! No. 2 2018 | Chungkhar Hlawhtlinnak Tawhfung 12
Chungkhar Hlawhtlinnak Tawhfung 12
Chungkhar hlawhtlinnak a hmu lomi hna kong tampi kan theih. Asinain hlawhtlinnak hmuh awkah zeidah tuah khawh a si?
United States ah 1990 in 2015 chungah kum 50 cung pawl an i ṭhennak cu let hnih in le kum 65 cung pawl an i ṭhennak cu let thum in a karh.
Nulepa an lung aa tuai: Mifim cheukhat nih fale kha a zungzal in thangṭhat hna u an ti i cheukhat nih dawtnak in reng hna u an ti.
Mino pawl cu hlawhtlinnak hmuh awkah thiamnak ngei loin an ṭhang.
Zeitin a si hmanhah . . .
Chungkhar cu laksawng le zungzal ca a si kho.
Nulepa nih fale kha dawtnak in an cawnpiak khawh hna.
Mino pawl nih upa sinak caah a herhmi thiamnak an cawng kho.
Zeitin in dah? Mah I Hlau! mekazin nih chungkhar hlawhtlinnak tawhfung 12 kong a fianter lai.
1: Biakamnak
Innchunghawi he pehtlaihnak fehter awkah a bawm khomi ruahnak cheuhnak pathum.
2: Ṭuanṭinak
Na innchunghawi cu na khaanhawi bantuk a si maw?
3: Upatnak
Na innchunghawi nih upat ka si timi ruahnak a ngeih nakhnga a bawmmi biachimnak le tuahsernak hna kha hlathlai.
4: Ngaihthiamnak
Na innchunghawi a tlinlonak zoh lo awkah zeinihdah aan bawmh khawh?
5: Chawnhbiaknak
A kong pathum nih nan fale he i naih deuh awkah aan bawmh khawh hna.
6: Chimhhrinhnak
Chimhhrinhnak nih fale ngeihmi mahle mah zumhnak kha a hrawk maw?
7: Phunglam
Na fale kha zei bantuk phunglam dah na cawnpiak hna awk a si?
8: Zohchunh Awk Ṭha Sinak
Na bia kha na fa lungthin chungah phanhter na duh ahcun na chim ningin a tuahmi na si a hau.
9: Pumpak Sining
Mino pawl nih zeitindah an zumhnak kha fek tein an i tlaih khawh?
10: Zumhawktlak Sinak
Nulepa sinin zumhnak hmuh cu nutling, patling sinak ah a biapimi kehlan a si.
11: Teimami Sinak
Zei bantuk rian a si hmanhah teima tein ṭuannak nih hlawhtlinnak hmuh awkah a kan bawmh khawh.
12 Hmuitinh
Hmuitinh pawl tlinhnak nih zumhnak a ngeihter khawh, hawikomhnak a fehter khawh i nuamhnak a karhter khawh.
Chungkhar Caah Bawmtu
Baibal ruahnak cheuhnak nih chungkhar hlawhtlin awk le a nuammi chungkhar ngeih awkah aan bawmh khawh.
