¡DESPERTAD! Num. 2, 2018de | Bedʼea 12bʉta mebẽrãbawara sobia bʼaita
Bedʼea 12bʉta mebẽrãbawara sobia bʼaita
Idi ewade ʉ̃kʉrʉ mebẽrãra ãyi bedʼea zroma kʼarea jiga wãpanʉ, mamina ¿kʼãrẽa ʉ̃kʉrʉra mawũãsidu ãbapanʉ?
Estados Unidos poaga 1990deba 2015 bayeda mejãcha ẽbẽrarãta yi idubʉkʉasida, juwa jidapanʉra 50 poaga panʉra yi idubʉkʉasida, mamina 65 poaga juwa jidapanʉra ãbabadara, maʉ̃ranebemara audre yi idubʉkʉasida.
Yibarirabara kʼawua ẽ kʼãrẽ oita. Ẽbẽrarã buru biaraba jarapanʉ wũãwũãra biga diaibarata ãya nebia jõma obʉ kʼarea, mamina ʉ̃kʉrʉba jarapanʉ wũãwũãra uibarata rejuba.
Wũãwũãra waribʉrʉde ãyi bebʉra kʼawua ẽ kʼãrẽ oita.
Wãrĩnu bʼaira ãyara naʉ̃ta oseabʉ.
Juwa jidapanʉrãra sobia baseabʉ akʉza ewari jõmaʉ̃nẽ ãba baseabʉ.
Yibarirabara ãyi wũãwũãra kãgade dapʉeseabʉ.
Wũãwũãra yi zroma waribʉrʉdera kʼawuabayi ãyi bebʉde kʼãrẽ oita.
¿Sãwũã? Naʉ̃ karta ¡Despertad! bedʼea 12bʉta mebẽrãbawara sobia bʼaita.
1 Jipa ãba bʼaibara
Ũrãgʼa ũbeabʉba kʼarebayi juwa jidapanʉrãra yi idubʉ ẽ baita.
2 Yiya kʼarebaibara
¿Marara wãrĩnu yi kimaraka mawũã ẽ bʉrʉ bari deda ãbabʉ kĩrãkʼapanʉ?
3 Yiya wawia ũdubita
¿Kʼãrẽ bedʼeaba ũdubiseabʉ dayi wawiapanʉta?
4 Yiya kĩrãdua kʼawuaita
¿Kʼãrẽta oseapanʉ maʉ̃ nemitia oda waña kĩrãduaita?
5 Bia bedʼea kʼawuaibara
Nekʼãrẽ ũbeabʉba kʼarebayi bʉ warrara orraita.
6 Kʼẽãbe kʼawuaibara
¿Bʉa bʉ warrara kʼẽãbʉrʉde iyira krĩchaika zeri ẽ kĩrãkʼa?
7 Nebiata jaradia kʼawuara
¿Kʼãrẽ nebiata jaradiaibara bʉ warraraʼa?
8 Yizata diara
Yibarira mara wũãwũãraba kãgabʉbʉrʉ mara bedʼea ũrĩmarẽã yiza biata nãã diaibara.
9 Kʼawuaita bʉ kʼaita
¿Sãwũã warrarãra bedʼeaseabʉ wãrĩnuare?
10 Bʉ ʉ̃rʉ ĩjãbita
Bʉa bʉ yibariraba bʉde ĩjãbira audre yibiabayi bʉita.
11 Trajakĩrã
Bʉ warraraena, bia okʼawuara bʉ trajora maʉ̃ba sobiabayi bʉra, maʉ̃ta obʉbʉrʉ audre okĩrã oyi bʉa obʉra.
12 Krĩchara bʉa kʼãrẽ okĩrãbʉta
Bʉa jarada wãrĩnu oũdubibʉrʉde maʉ̃ba oyi bʉyikʉza audre ĩjãita adewara erbayi neũdukʼawuara biarata akʉza sobiabayi.
Audre kʼarebata mebẽrãraita
Daizeze Bedʼeaba ũrãgʼa diabʉba kʼarebaseabʉ mebẽrãbawara sobia bʼaita.
