¡JAMɅX A WUT! Núm. 2, 2018 | 12 ticʼojel chaʼan tijicña miʼ yajñel a familia
12 ticʼojel chaʼan tijicña miʼ yajñel a familia
Ili ora miʼ wen ajlel chaʼan an familia tac wolix bʌ i jejmel, pero an familia tac chʌn temel bʌ añob, ¿chuqui woliʼ coltañob?
Ti cabʌl país an i wen chaʼleyob i bʌ ti divorciar jiñi ñujpuñemoʼ bʌ, ñumento jiñi ñoxobix bʌ.
An especialistajob muʼ bʌ i yʌlob chaʼan yom mi lac suben la calobilob chaʼan weñʌch woli bʌ i melob, pero an muʼ bʌ i yʌlob chaʼan tsʌts yom mi lac ticʼob. Jiñi tatʌl ñaʼʌlob mach yujilobix chuqui yom i melob.
Jiñi xcolelob miʼ tajob i jabilel i maʼañic chuqui yujilob.
Pero mach wersa cheʼic yom miʼ yujtel bajcheʼ jiñi.
Miʼ mejlel a wubin a tijicñʌyel ti a ñujpuñel tiʼ pejtelel ora.
Jiñi tatʌlob miʼ mejlel i cʌn i cosañob ti wen i yalobil.
Jiñi xcolelob miʼ mejlelob ti sujtel ti wem bʌ wiñic o xʼixic cheʼ ñucobix.
¿Chuqui yom mi lac mel? Ili revista ¡Jamʌx a wut! mi caj i yʌqʼueñet 12 ticʼojel chaʼan tijicña miʼ yajñel a familia.
1. Yom mi laj qʼuel ti ñuc jiñi lac ñujpuñel
Uxpʼejl ticʼojel muʼ bʌ caj i coltan a ñujpuñel.
2. Tem coltan laʼ bʌ
¿Laʼ piʼʌlʌch ba laʼ bʌ tiʼ sujm o toʼol cheʼ jach lajal chumuletla?
3. Qʼuele laʼ bʌ ti ñuc
¿Chuqui ti tʼan tac yicʼot melbal tac miʼ yʌqʼuen i yubin jiñi a piʼʌl chaʼan maʼ qʼuel ti ñuc?
4. Ñusʌben laʼ bʌ laʼ mul
¿Chuqui miʼ mejlel a mel chaʼan mach jiñi maʼ qʼuelben i sajtemal jiñi a piʼʌl?
5. Chaʼlenla wem bʌ tʼan laʼ wicʼot laʼ walobilob
Uxchajp muʼ bʌ caj i coltañet chaʼan maʼ lʌcʼtesan a bʌ tiʼ tojlel a walobilob.
6. Tiqʼuiyob
¿Muʼ ba caj i yubiñob chaʼan maʼañic i cʼʌjñibal jiñi a walobilob mi tsaʼ tiqʼuiyob?
7. Cʌntesañob i pʌsob wem bʌ i melbal
¿Baqui bʌ melbalʌl tac yom maʼ pʌsbeñob chaʼan yom añob i chaʼan jiñi a walobilob?
8. Acʼʌla jiñi ejemplo
Tatʌlob, mi laʼ wom chaʼan jiñi laʼ walobilob miʼ jacʼob laʼ tʼan, yom mi laʼ pʌsbeñob wem bʌ ejemplo.
9. Cʌñʌ majquiyet
¿Bajcheʼ miʼ mejlel i coltañob jiñi ñopol bʌ i chaʼan jiñi xcolelob?
10. Pʌsʌ chaʼan mejlʌch i chʼʌmetob ti ñuc
Cheʼ bʌ jiñi a tat a ñaʼ miʼ cʼotel i chʼʌmetob ti ñuc chaʼañʌch a wenlel.
11. Yom a wujil eʼtel
Cheʼ maʼ cʌn a ñusan a bʌ ti a weʼtel cheʼ xcoleletto, mi caj i coltañet chaʼan maʼ taj chuqui a wom.
12. Aqʼuen a bʌ meta tac
Cheʼ maʼ taj jiñi a meta tac miʼ coltañet chaʼan ñumen chajpʌbilet maʼ wubin a bʌ, ñumen wen maʼ wajñel a wicʼot a wamigojob yicʼot ñumen tijicña maʼ wubin a bʌ.
Yambʌ coltʌntel tac chaʼan jiñi familia tac
Jiñi ticʼojel tac am bʌ ti Biblia miʼ mejlel i coltañet chaʼan tijicña miʼ yajñel jiñi a familia.
