ITA NE THUP—NYINE ININ Julai 2018
Hetrenyi e hnine la Ita Ne Thup la itre tane mekun göi 3-30 Semitrepa 2018.
Thele Jë Troa Atrunyi Së Hnei Iehova?
Nemene la ini hne së hna kapa, qa ngöne la aqane wangatrune Iehova la itre hlue i Nyidrë?
Drei La Hnei Epuni Hna Troa Goeën?
Hetre ini ka tru hne së hna xom, qa ngöne la tria i Mose.
“Dei La Ate Ce Xöle Me Iehova?”
Jëne la itre tulu i Kaina, Solomona, Mose, me Arona, trotrohnine hë së la enyipiewekëne troa ce xöle me Iehova.
Itre Atre i Iehova Së
Nemene la aqane tro sa amamane la hni ne ole së koi Iehova, qa ngöne la hna aijijë së troa hane imelekeu me Nyidrë?
Utipine Jë “La Nöjei Ate Asëjëihë”
Easa nyitipu Iehova ngöne la easa canga öhne la itre hna ajan memine la itre jol ka ej thene la itre xan, me xatua angatr.
Aqane Troa Kepe Thangan Qa Ngöne La Ini Tusi Hmitrötr
Ijije Hi Tro Epuni a Kepe Thangan Qa Ngöne La Ini Tusi Epun.
Itre Hnyinge Ne La Itre Ka e
Ketre trahmanyi me ketre föe a ce hnahag e jidr, ngo pë pe nyipi kepin. Hapeu, kolo kö lai a hape, ase hë nyidroti kuci ngazo nge nyipiewekë troa qaja kowe la komite ne iameköti?
