NI MIKAKA NGWÄTE 2018, núm. 2 | Kukwe 12 nuaindre nünankäre kä jutobiti ni mräkäbe
Kukwe 12 nuaindre nünankäre kä jutobiti ni mräkäbe
Kä nengwane nitre ja mräkäre ñaka tä nüne kwin jabe ye kädrieta krubäte ni olote. Akwa nitre ja mräkäre mada abokän tä nüne kwin jabe. ¿Dreta niaratre dimike nüne kwin jabe?
Bitinkä, juta keta kabre känti nitre gure tä ja tuenmetre ye nemen bare krubäte. Aune nitre umbre umbre yebätä kukwe ye tä nemen bare arato.
Nitre ja tötikaka krikri ye ruäre tä niere, nitre rüne rabadre monsotre kwe ye käikitekä kukwe jökräbätä. Mada abokän tä niere, monsotre mikadre ja ngie nuin töi ükatekäre. Nitre rüne dre nuaindre ye ñan niena gare ietre.
Monsotre tärä nemen ünä, akwa dre nuaindre kwetre nünankäre ye ñaka gare ietre.
Akwa kukwe kwin raba nemen bare.
Nitre gure raba nüne kä jutobiti jabe aune kärekäre.
Nitre rüne raba monsotre kwe ye töi ükete töi kwinbiti.
Monsotre rabadrera ünä ngwane, kukwe jökrä nuain rabadre gare kwin ie.
¿Dre tä nitre ja mräkäre dimike nüne kwin jabe? Kukwe 12 rabai gare mäi täräkwata nebätä käkwe mä dimikai nüne kä jutobiti mä mräkäbe.
1. Ja töi mikadre nüne käre jabe
Kukwe ketamä raba mun dimike ne kwe munkwe ñaka ja tuanemetre.
2. Ja di ngwandre gwairebe
¿Mun ja mäkäninte o munta jerekäbe ja kwäräire?
3. Ja mikadre ütiäte jai
¿Mätä dre nuainne aune dre niere abokänbätä jata nemen ruin ütiäte mä muko ie?
4. Ngite juandre ta jabiti
¿Dre käkwe mä dimikai ñaka ja töi mike kukweta nainte mä mukoi ye aibebätä?
5. Blitadre kwin monsotre ben
Kukwe ketamä raba mä dimike nökrö monsotre mäkwe kokwäre.
6. Mäträdre monsobätä
Mäkwe mäträdi monso mäkwebätä ngwane, ¿jatai ene ruin mäi?
7. Kukwe kwin driedre monsotre ie
¿Kukwe meden kwin mä rabadre driere monsotre mäkwe ie?
8. Kukwe kwin bämikadre monsotre käne
Nitre rüne aune meyere, monsotre munkwe käkwe mun kukwei mikadre täte ie mun tö ngwane, munkwe kukwe drie ietre aune erere munkwe nuain arato.
9. Mä abokän nire rabadre gare
¿Monsotre raba kukwe mikata täte kwetre ye mike gare ño metre?
10. Tö ngwandre mäi
Mä rün aune mä meye rabadre tö ngwen mäi ye ütiäte ja ngwankäre ni ünä kwrere.
11. Mäkwe ja ngwan balente
Mäkwe ja kitai sribi nuainne kä jutobiti mä tä bati ngwane, ye käkwe mä dimikai kukwe diani mäkwe jai ye nuainkäre.
12. Meta mikadre ja käne
Mätä meta mike ja käne ye rabai bare mäi ngwane, mä rabai tö ngwen bäri jai, mäkwe ja ketai bäri kwin ja ketamuko mäkwe ben aune kä rabai bäri juto mäbätä.
Kukwe mada nitre ja mräkäre dimikakäre
Kukwe kwin mäträkäre tä Bibliabätä ye raba mä dimike nüne kä jutobiti mä mräkäbe.
