AWAKE! Ọrọ 2 2018 | Eware 12 nọ I re Ru Evawere jọ Uviuwou
Eware 12 nọ I re Ru Evawere jọ Uviuwou
Iviuwou buobu e hẹriẹ no fikinọ a ru eware nọ u fo nọ a re ru hu.
Wọhọ oriruo, evaọ obọ America, nọ umuo ukpe 1990 rite 2015, ahwo nọ a kpako vi ikpe udhuvẹ-gbikpe no nọ a fa orọo a rehọ akuava bu vi epanọ o jọ, yọ enọ e kpako vrẹ ikpe udhosa-gbisoi nọ a fa orọo a rehọ akuasa bu vi epaọ anwẹdẹ.
Esẹgbini e gbẹ riẹ oware nọ a re ru hu, keme egba-eriariẹ jọ e ta nọ u woma re a hai jiri emọ kẹse kẹse, rekọ efa e ta nọ u woma ere he, inọ u fo nọ a rẹ rehọ obọ ogaga kru ọmọ re ọ sai wo areghẹ.
Kọ ẹvẹ kpahe izoge? Ibuobu rai a riẹ oware nọ a re ru hu re a sai yeri emamọ uzuazọ nọ a be kpako ze na.
Rekọ u wo eware jọ nọ i bi ru evawere jọ iviuwou jọ. Yọ uzẹme riẹ họ . . .
Orọo o rẹ sae tọ, evawere e vẹ jẹ sae jariẹ.
Esẹgbini a rẹ sai wuhrẹ epanọ a rẹ rọ whọku emọ rai hayo kpọ ae họ evaọ edhere oyoyou.
Izoge a rẹ sai wuhrẹ eware nọ i re fiobọhọ kẹ ai yeri emamọ uzuazọ nọ a be kpako ze na.
Ẹvẹ a sai ro ru ere? Ma te jọ uvitha Awake! nana ta kpahe eware 12 nọ i re ru evawere jọ uviuwou.
1: Wha Talamu Ohwohwo
Eware esa nọ e rẹ sai fiobọhọ kẹ ọzae-avọ-aye talamu ohwohwo.
2: Wha Hai Ru Eware Kugbe
Kọ who re rri ọzae hayo aye ra wọhọ ohwo nọ wha gbẹ be rria uwou kugbe gheghe?
3: Wha Wo Adhẹẹ kẹ Ohwohwo
Se kpahe eware jọ nọ i re fiobọhọ kẹ owhẹ riẹ oghẹrẹ eme nọ whọ rẹ ta gbe eware nọ who re ru kẹ ọzae hayo aye ra nọ ọ rẹ rọ riẹ nọ whọ be ginẹ kẹe adhẹẹ.
4: Wha Hae Rọvrẹ Ohwohwo
Eme ọ rẹ sai fiobọhọ kẹ owhẹ nọ whọ gbẹ rọ tẹrovi eware nọ ọzae hayo aye ra o bi ruthọ họ?
5: Hae Ta Ẹme Kugbe Emọ Ra
Eware esa nọ e rẹ sai fiobọhọ kẹ owhẹ nọ whẹ avọ emọ ra wha rẹ rọ kẹle ohwohwo ziezi.
6: Hae Kpọ Emọ Ra Họ
Kọ a tẹ be hae kpọ ọmọ họ, u re ru nọ ọmọ na o re rri omariẹ nọ o fioka ha?
7: Wuhrẹ Emọ Ra re A Wo Emamọ Uruemu
Eware vẹ u fo nọ who re wuhrẹ emọ ra re a ru hayo whaha?
8: Fi Emamọ Oriruo Họ Otọ kẹ Emọ Ra
Whọ tẹ gwọlọ nọ emọ ra a ru eware nọ who bi wuhrẹ ai, u fo nọ whẹ omara who re ru eware na re.
9: Oghẹrẹ Ohwo nọ Whọ Rrọ
Ẹvẹ izoge a sae rọ gbaudu ru oware nọ a rọwo, o tẹ make rrọ bẹbẹ?
10: Jọ Ohwo nọ A re Fievahọ
Nọ who te bi ru eware nọ ọsẹgboni ra a re ro fievahọ owhẹ enẹna, u ti fiobọhọ kẹ owhẹ nọ whọ tẹ kpako no.
11: Ga Obọ Iruo
Whọ tẹ ga obọ iruo nọ whọ gbẹ rrọ uzoge na, u ti fiobọhọ kẹ owhẹ nọ whọ tẹ kpako no.
12: Fi Itee Họ kẹ Omara
Whọ tẹ sai le itee nọ who fihọ tobọ, udu o rẹ jọ owhẹ awọ, ahwo a te gwọlọ jọ ogbẹnyusu ra, yọ eva e rẹ jẹ were owhẹ re.
Eware Efa nọ I re Fiobọhọ kẹ Uviuwou
Who te lele ehrẹ nọ e rrọ Ebaibol na, u re ru nọ evawere e rẹ rọ jọ uviuwou ra.
