УСХУНЫҢАР! № 2 2018 | Сӧбірелерге часкалығ поларға полысчатхан 12 чӧп
Сӧбірелерге часкалығ поларға полысчатхан 12 чӧп
Амғы туста кӧп сӧбірелер хайдағ-да сидіктер ӱчӱн чарылысчалар. Че хайди сӧбірелер часкалығ пол поларлар?
1990 чылдаң 2015 чылға читіре Американың піріккен штаттарында 50 час ас парған кізілер ікі хати кӧп чарылыс сыхханнар, 65 час ас парған кізілер ӱс хати кӧп чарылыс сыхханнар.
Іҷе-пабалар хайди поларға пілбинчелер: піреелері палаларны хатығ холда тударға чӧп пирчелер, пасхалары, тізең, оларны махтап ла ӧскірерге кирек тіпчелер.
Чииттер, тимненіп албин, улуғ кізілернің чуртазына кірчелер.
Андағ даа полза:
Сӧбірелер часкалығ пол поларлар.
Іҷе-пабалар, палаларына хынып, оларны ӧскір поларлар.
Чииттерге чуртасха тимненіп алҷаң оңдай пар.
Хайди сӧбіреде часкалығ поларға? Пу «Усхуныңар!» тіп журналны хығырып, сӧбіреде часкалығ полып аларға полысчатхан 12 чӧп піліп алыңар.
1. Киртістіг полыңар
Пу ӱс чӧп ирепчі аразындағы палғалысты тыыдарға полыс пирер.
2. Пір чӧптіг полыңар
Иріңернең алай ипчіңернең, ирепчілер чіли алай хонҷыхтар чіли, чуртапчазар ба?
3. Улуғлазыңар
Иріңерні алай ипчіңерні сӧстернең алай тудынызыңарнаң хайди улуғлирға піліп алыңар.
4. Пыроларыңны тастазыңар
Хоных хонғаныңның пырозын тастирға ниме полызар?
5. Палаларыңнаң чоохтазыңар
Палаларыңа нанҷы полып аларға полысчатхан ӱс чӧп.
6. Тӱзедіп ӱгредіңер
Палаларны тӱзеткені оларның самооценкаларын тӱзірче бе?
7. Орта тудынарға ӱгредіңер
Палаларны хайдағ нравственнай нормаларға ӱгредерге?
8. Кӧзідім полыңар
Іҷе-пабалар постары итпинчеткен нимелерні палаларынаң киректебезелер, палалар оларның чооғынҷа хынып тудынчалар.
9. Пик сындырлығ полыңар
Хайди оол-хыстарға постарының кӧрістерінің хоостыра пик тудынарға ӱгреніп аларға?
10. Ізестіг полыңар
Оол-хыстарға пызығ кізі полып алар ӱчӱн, іҷе-пабаларына киртіске кіріп аларға кирек.
11. Тоғысха кӱлӱк полыңар
Кічігдең сығара тоғынарға хынминчатхан кізі чуртазында маңнаныстығ полбас.
12. Кӧстеглер турғызыңар
Турғысхан кӧстеглерге читкені посха ізенерге, нанҷыларнаң пик арах ынархастығ паза часкалығ поларға полызар.
Сӧбірее кӧп арах тузалығ чӧптер
Библиядағы чӧптер сӧбіреңерні тыыдар паза чахсы саринзар алыстырар.
