AWAKE! Na. 2 2018 | Esyombiitha 12 esy’Amaka Awabirithoka
Esyombiitha 12 esy’Amaka Awabirithoka
Thukowa bindu bingyi ebikaleka amaka iniasambukalha. Aliwe ni byahi ebikaleka amaka iniaghuma?
Ahakathi-kathi ka 1990 na 2015 omwa United States, omughanzo w’abathahenie ab’emyaka eyilhabire omu 50 abakomolhana mwongera emirundi ibiri, kandi n’ow’abawithe emyaka eyilhabire omu 65 mwongera emirundi isathu.
Ababuthi sibasi eky’erihikako: Abandi abakaha amenge bakabugha bathi kyuwene abaana eribya ibanemupipwa, aliwe abandi bathi kitholere erikalha oko baana.
Abalere bak’ingira omo myaka y’obukulhu isibawithe omubiiri owanga bawathikya omo ngebe.
Nomwabine bithya, okwenene kuli kuthi . . .
Obutheke bwanganabya mw’etseme kandi ibwaghuma.
Ababuthi bangan’igha ngoku banga kunga abaana babu omo lhwanzo.
Abalere bangan’igha eby’erikolha ebyanga bawathikya babirikulha.
Bathi? Egazeti eno eya Buka! yikendi kania okwa esyombiitha 12 esy’amaka awabirithoka.
1: Eriyihayo
Amenge asathu awanga wathikya abathahenie erisighalha ibane haghuma.
2: Erikolha Haghuma
Mbwino wukanalhangira omwanze wawu ng’oyo wuli nayu omwa kisenge kighuma buyira?
3: Erisikya
Minya nga ni binywe byahi n’eby’erikolha ebikayithaghisibawa erilhangira wuthi omwanze wawu akayowa inianasikibirwe.
4: Erighanyira
Ni kyahi ekyanga kuwathikya erikyurukya obulemwa b’omwanze wawu bw’ameso?
5: Erikanirania
Ebindu bisathu ebyanga kuwathikya eriyithunda hakuhi n’abaana bawu.
6: Erikunga
Mbwino erikunga likaleka omwana iniayilhangira mo wabbule?
7: Emibere
Ni misingyi yahi eya wutholere iwakangirirya abaana bawu?
8: Eky’erileberyako
Wamanza ebya wukabugha bihambe okwa baana bawu, bitholere ibyahambangana n’ebyo wukakolha.
9: Ekyo Wuli
Abalere bang’imanira bathi okwa bya b’ikirirye?
10: Obuyiketherwa
Ababuthi erikuyikethera ni kiika kikulhu okw’ibya iwamakulha.
11: Eribya Mukoli w’Omuhwa
Erigha erikolha kutsibu iwukine mulere kyangana kuwathikya erithoka erikolha ekyosi-kyosi ekya wanga kolha omwa ngebe.
12: Ebilhubirirwa
Eriberererya ebilhubirirwa kyangana leka iwahwamo eriyithika-thikira, ikyaleka iwaghumya amanywani wawu, n’eryongera etseme yawu.
Obundi Buwathikya Busana n’Amaka
Erihabulha eriri omwa Biblia lyangana kuwathikya eribya n’obutheke obuwene n’eka eyiri mw’etseme.
