TONENU No. 2 2018 | Vyuma 12 Vize Navikafwa Jitanga Jifukile
Vyuma 12 Vize Navikafwa jiTanga Jifukile
Tunevunga mijimbu yayivulu kutalisa kuvyuma vinalingisa jitanga jimwe jihone kufukila. Jino vyuma muka vyeji kukafwanga jitanga jimwe jifukile?
Kufuma mu 1990 nakuheta mu 2015, Vatu vamuUnited States vamyaka yakuhambakana 50 na 65 vanalilukululanga chikuma.
Visemi vanavaluwanganyisa kuli vaka-kuhehwojola vaze vamba ngwavo vana vasakiwa kuvalisanga lwola lwosena, kaha veka ngwavo visemi kavatela kusolwelanga vana vavo zangi yamuchanoko.
Vakweze vavavulu vali nakukola chakuzeneka kupwa nauhashi uze nauvakafwa vafukile mukuyoya.
Oloze, kuhanjika muchano . . .
Vaze valimbata vanahase kulivwisa kuwaha muulo wavo nakutwama myaka yayivulu.
Visemi vanahase kuzangamisa vana vavo muzangi.
Vakweze vanahase kupwa nauhashi uze wasakiwa nge vanakolo.
Mujila muka? Yino mangazini yaTonenu! yinashimutwila havyuma 12 vize navikafwa jitanga jifukile.
1: Kushishika
Vyuma vitatu vize navikafwa vatu muulo vahone kulilukulula.
2: Kuzachila Hamwe
Uno muka-mahyenu apwa nge mutu uze mwatwama nenyi mukapete kamwe tahi?
3: Kavumbi
Zachisenunga mazu navilinga vyamwaza mangana musolole ngwenu mwavumbika muka-mahyenu.
4: Kulikonekela
Vyuma muka navimikafwa muvulyame tutenga twamuka-mahyenu?
5: Kushimutwila
Vyuma vitatu vize navimikafwa mupandame chikuma kuli vana venu.
6: Kuzangamisa
Uno kuzangamisa mwana chinahase kumulingisa ahone kulifwelela ivene tahi?
7: Vilinga Vyamwaza
Jishimbi muka mwatela kunangula vana venu?
8: Chakutalilaho
Nge namuzanga vana venu vamimvwilile kaha lingenunga vyuma namuhanjika.
9: Kutachikiza Omu Apwa Mutu
Uno vakweze vanahase kuhakwila ngachilihi vyuma vafwelela?
10: Kushishika
Chapwa chachilemu kumifwelela kuli visemi jenu mwomwo nachimikafwa mukole kanawa.
11: Kuzata Nangolo
Kutachikiza kanawa mwakuzachila nangolo shimbu kanda mukole nachimikafwanga muvyuma namulinga mukuyoya chenu.
12: Vyuma Mwalitomena Kulinga
Kutesamo vyuma mwalitomena kulinga nachimikafwa mulifwelele enu vavane, nakuzamisa usepa wenu nakumilingisa muwahilile chikuma.
Vyuma Vikwavo Navikafwa Tanga
Mbimbiliya yinahase kumikafwa mufukile muulo natanga yakuwahilila.
