DESPERTAI! No. 2 2018 | 12 woꞌonãpin hap wepīt hap wȳwo tukupteꞌen seꞌaito seharyꞌi mempytꞌīn hamo
12 woꞌonãpin hap wepīt hap wȳwo tukupteꞌen seꞌaito seharyꞌi mempytꞌīn hamo
Typyꞌi kahato kotā̃ iꞌatuꞌe — Uiwepīt seseꞌi uiwyriaꞌīn wȳwo areig̃neꞌen turān e. Pyno kat asom emowepīt kuap hawyi ewyriaꞌīn wy.
Anu 1990 pyi 2015 kape sese mītꞌīn taꞌatuꞌatoiat taꞌatuꞌeꞌaito taꞌatuꞌeharyꞌi. Etimorānia toꞌokape pote toꞌosatꞌi poꞌog̃ haria poꞌog̃ poꞌog̃ saꞌawyꞌiwuat kai. Iraniaꞌīn iꞌatupōro toꞌowȳwo pykai wen toꞌoꞌatoiat.
Ȳwotꞌīn hawyi nyꞌīn taꞌatukuap kahatoꞌi kan waku taꞌatunug̃ taꞌatuhoꞌomūꞌe taꞌatumempytꞌīn hamo. — Waku ȳwotꞌīn ihay se kahato taꞌatumempytꞌīn wȳwo sese waku taꞌatumowato miꞌiria iꞌatuꞌe iraniaꞌīn. Sio — Ȳt reiꞌo maꞌato waku taꞌatumohampȳk taꞌatumoꞌapiheg̃ kahato iꞌatuꞌe ȳwotꞌīn nyꞌīn me.
Ipakuptiaria iꞌatuwemotag̃ hawyi — Kat asom waku atunug̃ nag̃nia wo areig̃neꞌen pote iꞌatuꞌe. Neig̃ taꞌatukuap kan waku taꞌatunug̃ iꞌatuwepīt hamo.
Miꞌi pykai wen
Ewepīt kuap eꞌaito eharyꞌi wȳwo wuatꞌi eꞌāt pe.
Ȳwot ny taꞌatuhoꞌomūꞌe kuap taꞌatumempytꞌīn woꞌokyꞌe hap wȳwo.
Ipakuptiaria taꞌatuhepap kahato kuap kan waku taꞌatunug̃ nag̃nia wo tukupteꞌen turānuat hap.
Maꞌato aikotā̃ me asom miꞌitā̃ kuap. Meiko popera Despertai! e hap puo pyi etikuap hamo 12 woꞌonãpin hap koꞌi seꞌaito seharyꞌi ȳwot ny hawyi mempytꞌīn kapiat.
1. Wakuꞌi eiwoꞌoꞌatoiat
3 woꞌonãpin hap koꞌi woꞌomenaru haria powȳro hamo
2. Eweipotpap o aikotā̃ wentūp yn ewy
Eꞌaito sio eharyꞌi emikuap ewy sese yn.
3. Woꞌomontypot hap
Woꞌomenaru haria waku toꞌomotypot. Eremūꞌe o aikotā̃ me miꞌitā̃ kuap.
4. Waure wo eweig̃neꞌen
Kan epowȳro hamo etiwaure eꞌaito sio eharyꞌi miꞌaparap koꞌi.
5. Ehay tuereto emempytꞌīn wȳwo
Myẽꞌym mowȳro hap koꞌi eiwehik poꞌog̃ emempytꞌīn ete hamo.
6. Waꞌĩ ere emempyt me
Waꞌĩ ere timoꞌarōt kahato hamo asom emempyt.
7. Waku eweimoherep o wakuat koꞌi
Kat eteig̃ waku ehoꞌomūꞌe emempyt.
8. Ewehoꞌomūꞌe eimempytꞌīn eiminug̃ koꞌi puo pyi
Waku etunug̃ aikotā̃ ehoꞌomūꞌe emempytꞌīn hap ewy.
9. Waku erekuap
Aikotā̃ meig̃ ipakuptiaria ihay kuap se iꞌatumimohey koꞌi etiat.
10. Waku ereig̃neꞌen mītꞌīn wemohey hatno
Wemohey hat wo ereig̃neꞌen pote eremotag̃ waku puo hamo.
11. Waku epotpap kahato
Eremotag̃ turān ewepīt poꞌog̃ hamo epotpap kahato waku puo pote
12. Waku etunug̃ eminug̃ terān koꞌi
Etunug̃ eminug̃ terān koꞌi pote emowepīt hamo hawyi erehik poꞌog̃ ewyriaꞌīn ete.
Poꞌog̃ mowȳro hap koꞌi ewyriaꞌīn piat hamo
Tupana Ehay [iat woꞌonãpin hap koꞌi sese emowepīt kuap ewyriaꞌīn wȳwo.
