¡XTLACHIAKAN! Núm. 2 2018 | Ken uelis tiyolpakis iuan mofamilia
Ken uelis tiyolpakis iuan mofamilia
Ipan yejuin tonaltin miyekej familias noxelouaj noso nokauaj. San ika, miyekej kema san sekan nemij, ¿tlenon kinpaleuiya maka manoxelokan?
Aman, ipan miyek países, miyekej akin yononamiktijkej yonokaujkej, niman miyekej akin youejkauj ika yononamiktijkej noijki ijkon yokichiujkej.
Miyekej ixtlamatkej kijtouaj ika noneki tikimijliskej tokoneuan ika melak kuajli nochi tlen kichiuaj. San ika, oksekimej kijtouaj ika noneki tikinmajuaskej niman tikinuitekiskej. Ika yejon, miyekej tajtin xkimatij tlen kichiuaskej.
Miyekej telpokamej niman ichpokamej ijkuak noskaltiaj, xkimatij kenon tekitiskej nion kenon noyekanaskej.
San ika, xnoneki ijkon mopan nochiuas:
Akin yononamiktijkej nochipa uelis san sekan nemiskej niman yolpakiskej.
Tajtin uelis kimatiskej kenon kinmachtiskej inkoneuan ika tlasojtlalistli.
Telpokamej niman ichpokamej uelis kimatiskej kenon kuajli noyekanaskej ijkuak noskaltiskej.
¿Tlenon uelis mitspaleuis? Yejuin revista ¡Xtlachiakan! mitsititis kenon uelis tiyolpakis iuan mofamilia.
1. Xchiua tlen yotikijto
Yeyi tlemach tlen kinpaleuis maka manoxelokan akin yononamiktijkej.
2. Xmopaleuikan
¿Tikita moixnamik ken yakaj akin san iuan tichanti?
3. Xmotlakaitakan
¿Kenon tikititia moixnamik ika tiktlakaita?
4. Xmotlapopoluikan
¿Tlenon mitspaleuis maka san xkita kenon nopopoloua moixnamik?
5. Kuajli xmonojnotsakan
Yeyi tlemach tlen uelis tikchiuas niman ijkon timonisiuis itech mokoneuj.
6. Xkinmelajkatlalikan nemokoneuan
¿Tikyolkokos mokoneuj tla tikmelajkatlalia?
7. Xkinmachtikan nemokoneuan makichiuakan tlen kuajli
¿Tlenon noneki tikinmachtis mokoneuan?
8. Xchiua tlen tikneki makichiuakan
Tla nenkinekij ika nemokoneuan mamechtlakamatikan, xkimititikan ika tlen nenkichiuaj.
9. Kuajli xmoixmati
¿Kenon telpokamej niman ichpokamej uelis kimanauiskej tlen kineltokaj?
10. Xchiua ika motech matlaneltokakan
Tla motajuan motech tlaneltokaj, yejuin mitspaleuis ika tlayekapan.
11. Kuajli xtekiti
Tla tikuelita titekitis ijkuak ok titelpochtli noso tiichpochtli, yejon mitspaleuis ika tlayekapan.
12. Xnemili tlenon tikneki tikchiuas
Tla yotikchiuj tlen yotiknemilijka, mitspaleuis xkasikamati ika kema tiuelis tikchiuas okseki tlemach, noijki más kuajli timouikas iuan moamigos niman kichiuas xyolpaki.
Okseki tlen kinpaleuis familias
Tlen Biblia kijtoua mitspaleuis xyolpaki iuan mofamilia.
