UKANI! N.° 2 2018 | Mfundo 12 zingayavye kuti banja ikoyenda luweme
Mfundo 12 zingayavye kuti banja ikoyenda luweme
Nthawe zinyinji tikumvwa nkhani zosiyana-siyana zamene zusokoneza mabanja. Magazini ino yufotokoza vachita ŵanthu ayakine kuti mabanja ŵawo akoyenda luweme.
Vyaka va pakati pa 1990 na 2015, ku United States, chiŵelengelo cha mabanja amene esila chiyangijilika kuwelejela maulwendo aŵili kuli ŵanthu a vyaka vopitilila 50 ndipo chiyangijilikasoti kuwelejela maulwendo atatu kuli ŵanthu a vyaka vopitilila 65.
Makolo ayakine asokonezeka chifukwa akaswili ayakine oŵauja kuti nthawe zonse akotembeja ŵana ŵawo. Pamene ayakine oŵauja kuti mwana ofunika kumuikila malamulo ayumu.
Achilumbwana anyinji okula akaliyephunzila luso iliyonse yamene ingazaŵayavya kusogolo.
Koma olo n’tetyo, chendi n’chakuti . . .
N’vokwanishika kunkhala na banja yosangalala komasoti kwa moyo wonse.
Makolo angakwanishe kulangiza ŵana ŵawo mwachikondi.
Achilumbwana angakwanishe kuphunzila luso iyakine yamene ingazaŵayavya akazakula.
Kansi vamene ivi vingakwanishike tyani? Iŵelengeni magazini yamene iyi ya Ukani! kuti mufwane mfundo 12 zingayavye kuti banja ikoyenda luweme.
1: Kukhulupilika
Mfundo zitatu zamene zingayavye olungulana kuti apitilije kunkhala pamozi.
2: Kuchita vinthu mokatijana
Kansi muwona kuti muyanu wa mu ukwati ni munthu tyala wonkhala naye ng’anda imo?
3: Kulemekezana
Mukoziŵa mawu komasoti vochita vofunika ngako vamene vingasimikijile muyanu wa mu ukwati kulimvwa kuti olemekezewa.
4: Kukhululukilana
Kansi n’chinji chingakuyavyeni kuti osati mukowona tyala vakuphoniyesha mwanalume olo mwanakazi wanu?
5: Kulaŵijana
Vinthu vitatu vofunika ngako vamene vingakuyavye kunkhala pa ushamwali na ŵana ŵanu.
6: Kulangiza
Kansi chilango chuchitisha kuti mwana akolimvwa monga ni wa tyala-tyala?
7: Minkhalidwe
Kansi ŵana ŵanu mufunika kuŵaphunzisa mfundo zotyani?
8: Kupeleka chisanzo
Keno mufuna kuti mawu ŵanu akoŵafwika pa ntima ŵana ŵanu, ofunika kukatijana na vochita vanu.
9: Mbili yanu
Kansi achilumbwana angalimbane tyani na vikhulupililo vawo?
10: Kukhulupilika
Kuchita vinthu vakuti makolo ŵanu akokudalilani ni chinthu chofunika ngako kuti mukule luweme.
11: Kulimbikila ntchito
Kuphunzila kukata ntchito mwakhama mukali ntontho kungakuyavyeni kuti vinthu vikuyendeleni luweme pa vonse vamuchita pa moyo wanu.
12: Kunkhala na volinga
Kukwanilisha volinga kungakulishe chidalilo chanu, kungatang’ishe ushamwali wanu, komasoti kungakulishe chisangalalo chanu.
Mfundo ziyakine zuyavya mabanja
Malangizo a m’Baibolo angakuyavyeni mwewo kunkhala na ukwati uweme komasoti moyo wa banja wosangalala.