PAHUKEI! No. 2 2018 | Onondopio 12 Mbutunga Eumbo
Onondopio 12 Mbutunga Eumbo
Tuhole okuiva ovanthu vapopia unene evi vihanya-po omaumbo. Mahi hono nkhele tupopie vala evi vitunga eumbo.
Ko Estados Unidos, okutuka umwe mo 1990 atee mo 2015, pahe tyakaka unene okumona ovakulu velinepa-ale kohale velihenga.
Vokuna ovana pahe vangwangwana: Vamwe vevepopila okuti opo ovana vekule nonondunge, vena okuvemotesa. Ava ovakuavo vati ovana pamwe vesukisa okuvetwa vakale nonondunge.
Ovakuendye vamwe vokuakola novahikuena vamwe, uvetala umwe ñgaa, vetupu-ale onondunge mbutiwa ombombu.
Mahi etyi twii okuti . . .
Vokuelinepa vapondola okulivila nawa, avakala kumwe apeho.
Vokuna ovana vapondola okulilongesa okuviyula nawa ovana vavo.
Ovakuendye novahikuena vapondola okulinga ovakulu vena onondunge.
Mahi pahe ovipuka ovio vilingwa ñgeni? Omukanda ou maupopi ovipuka 12 ovanthu vena okulinga vatunge omaumbo avo.
1: Wahasoke Okuyekapo Mukwenyi
Ovipuka vitatu vokuelinepa vapondola okulinga vakale omapanga omanene.
2: Undapelei Kumwe
Okuti pahe ngoti mukala vala kumwe, ngoti kamuelinepele-ale?
3: Onthilo
LTala ovipuka vimwe upondola okulinga, mukwenyi etyimone okuti umulinga onthilo.
4: Okulievela
Oityi upondola okulinga wehesuke unene noviponyo vya mukwenyi?
5: Tompholei
Tala ovipuka vitatu mavikufweneka kovana vove.
6: Viyulei Ovana Venyi
Okuti ine uviyula omona wove kamakala nawa, melitombo vala?
7: Velongesei Onondunge
Onondunge patyi una okulongesa ovana vove?
8: Etyi Ulongesa Ovana Vove Tete Tyilinga
Ine wahanda ovana vove valinge etyi uvepopila, tete ove una okutyilinga.
9: Noñgonoka Ove-lie
Oityi tyipondola okukuatesako ovakuendye novahikuena vetyivile okukakatela mu etyi vetavela?
10: Linga Omunthu Uyumbwa Onthumbi
Opo haa ulinge omukulu wonondunge, una okulikuatehila pahetyino opo ovo tate yove vekuyumbe onthumbi.
11: Linga Omunthu Wokuhole Ovilinga
Ine ulilongesa okuundapa unene tyina nkhele umona, matyikukuatesako momwenyo wove auho.
12: Panga Evi Molingi
Ove tyina ulinga etyi wapanga okulinga, otyilingi umwe ngo omu wetyipangele, uliyumba vali onthumbi, uhambukwa; tupu mulikuata-po vali nomapanga ove.
Oityi Vali Tyitunga Eumbo?
Onondunge mbo Mbimbiliya mbupondola okumukuatesako okukala nombembwa meumbo.