MUKANI! N.° 2 2018 | Bzinthu 12 Bzomwe Bzingathandize Kuti Banja Likhale Lakukondwa
Bzinthu 12 Bzomwe Bzingathandize Kuti Banja Likhale Lakukondwa
Nthawe zizinji timbabva nkhani zakusiyana-siyana zomwe zimbadzonga mabanja. Tsono Revista ino ikufotokoza bzomwe wanthu winango acita kuti mabanja yawo yakhale yakukondwa.
Kuyambira m’magole ya 1990 mpaka 2015, mbogo ya mabanja yomwe yadalambana ku Estados Unidos idathumizirika kawiri kwa wanthu wa magole yakupitirira 50, ndipo idathumizirira katatu kwa wanthu wa magole yakupitirira 56.
Masiyentista inango yambauza abareki kuti ambatende wana wawo nthawe zentse, bzimwebzi bzacitisa kuti Abereki azinji aleke kubvesesa thangwe race. Pomwe winango ambawauza kuti mwana an’funika kumuikhira malamulo yamphanvu.
Maswaka mazinji yakundokula ne kupfunza basa liri-lentse lomwe lingadzawathandize kutsogolo.
Napo bziri tenepo cadidi n’cakuti . . .
Mpsakukwanisika banja kukhala lakukondwa kwa moyo wentse.
Abereki angakwanise kupfunzisa wana wawo mwa lufoyi.
Maswaka yangakwanise kupfunza basa lomwe lingadzawathandize kutsogolo akadzakula.
Kodi bzimwebzi bzingakwanisike tani? Werengani Revistai kuti mugumane Bzinthu 12 Bzomwe Bzingathandize kuti Banja Likhale Lakukondwa.
1: Kukhulupirika
Bzinthu bzitatu bzomwe bzingathandize anyakulowolana kupitiriza kukhala pabodzi.
2: Kucita Bzinthu Pabodzi
Kodi mumbawona mamuna wanu ayai mkazanu ninga munthu omwe mumbakhala naye pabodzi nyumba ibodzi?
3: Kulemekezana
Mbawonani kuti ni mafala yaponi na bzicito bzomwe bzingacitise mamuna ayai mkazanu kubzibva kuti ambalemekezedwa.
4: Kulekererana
Kodi n’ciyani comwe cingakuthandizeni kuti muleke kumbandowona bzakuphonya bza mamuna wanu ayai mkazanu?
5: Kuceza
Bzinthu bzitatu bzomwe bzingakuthandizeni kufendererana na wana wanu.
6: Kulanga
Kodi kulanga mwana kumbathandauza kuti mwanayo anikwanisa lini kumbacita bzinthu yekha?
7: Makhalidwe Yabwino
Kodi ni bzinthu bziponi abereki mun’funika kupfunzisa wana wanu?
8: Ciratizo
Kuti wana wanu aphatisire basa bzomwe muniwauza, imwepo mun’funika kumbacita bzomwe mumbalewabzo.
9: Mbiri Yanu
Kodi maswaka yangakhotcerere tani bzomwe yambakhulupira?
10: Kukhala Wakukhulupirika
Abereki wanu akakukhulupirani ni ciratizo cakuti bzinthu bzin’dzakufambirani bwino mukadzakula.
11: Kuphata Basa na Nyongo
Kupfunza momwe mungaphatire basa pomwe mukali tswaka kun’dzakuthandizani kuti bzinthu bzidzakufumbireni bwino mukadzakula.
12: Kukhala na Bzakulinga
Kukwanisa kucita bzomwe munthu umbakhumba kumbacitisa munthuyo kubzibva bwino, kulimbikisa uxamwali na kupitiriza kukhala wakukondwa.
Bzinthu Bzinango Bzakuthandiza Mabanja
Malango ya m’Bibliya yangakuthandizeni kukhala na banja labwino na lakukondwa.