WEKAP! No. 2 2018 | 12-Fala Samting for Helpem Famili Hapi
12-Fala Samting for Helpem Famili Hapi
Iumi herem staka samting wea mekem olketa famili no stap gud tugeta. Bat wanem nao savve helpem famili for hapi?
Long United States, midolwan long 1990 and 2015, namba bilong pipol wea divorce wea age bilong olketa winim 50 year hem kamap dabol, and namba bilong olketa wea winim 65 year wea divorce hem winim go moa datwan.
Olketa parents konfius: Samfala savveman sei parents shud evritaem praisem pikinini, bat olketa narawan sei olketa shud barava strict long hem.
Nomata olketa pikinini big finis, olketa no savve nomoa long hao for lukaftarem olketa seleva.
Nomata olsem . . .
Olketa wea marit savve hapi and stap tugeta for olowe.
Parents savve lane for stretem pikinini long wei wea showimaot love.
Olketa young wan savve lane for lukaftarem olketa seleva taem olketa big.
Disfala Wekap! magasin bae storyim 12-fala samting wea savve helpem famili for hapi.
1: Tingim Marit Promis
Thrifala samting wea savve helpem hasband and waef for gohed stap tugeta.
2: Waka Tugeta
Waswe, iu and marit partner savve waka gud tugeta?
3: Respect
Savve long olketa toktok and samting wea iu savve duim for showimaot iu respectim marit partner bilong iu.
4: Forgive
Wanem nao savve helpem iu for forgivim marit partner bilong iu?
5: Story Witim Pikinini
Thrifala samting wea iu savve duim for helpem iu fren gud witim olketa pikinini bilong iu.
6: Stretem Pikinini
Sapos parents stretem pikinini, bae pikinini ting daonem hemseleva?
7: Teachim Gudfala Wei
Wanem kaen wei nao iu laekem olketa pikinini bilong iu for garem?
8: Gud Example
Sapos iu laekem pikinini bilong iu for duim wanem iu talem, iu tu mas followim wanem iu talem.
9: Iu Wanem Kaen Man
Wanem nao bae helpem olketa young wan for no fraet for storyim wanem olketa bilivim?
10: Narawan Trustim Iu
Taem parents fit for trustim iu, datwan showimaot iu kamap mature.
11: Waka Hard
Taem olketa young wan willing for waka hard, diswan bae helpem olketa for kasem gud samting taem olketa big.
12: Garem Goal
Taem iu kasem olketa goal wea iu markem, datwan savve mekem iu feel gud abaotem iuseleva, fren gud witim olketa narawan, and iu bae barava hapi.
Olketa Nara Samting for Helpem Famili
Advaes wea stap long Bible savve helpem iu for garem gudfala marit and hapi famili.
