NACAꞌ IDAUTCHI! N° 2 2018 gu | 12 Ucuꞌẽgü i Natanüü̃gü Nataãẽü̃caꞌ
12 Ucuꞌẽgü i natanüü̃gü nataãẽü̃caꞌ
Nhuꞌma muü̃ma i gutchaü̃gü nüü̃́ nanatautchaẽẽ na nayaguꞌẽẽ i natanüü̃gü.
Rü 1990gu nhuꞌmatáta 2015gu, Estados Unidoswa i duü̃ü̃gütanüwa na nangemaü̃ yeera i 50 taunecügü rü ta yeeraãcü duü̃ü̃gütanüwa na nangemaü̃ yeera i 65 taunecügü nügü ínawogü.
Papagü rü mamagü tama meã nüü̃ nacuaꞌgü na nhuãcü norü naacügüü̃ nangúeẽẽ. Nümaü̃ i duü̃ü̃gü nüü̃ niu na papa rü mama guü̃guma nanawaꞌe naacügüü̃ nicuaꞌüü̃. Rü togü nüü̃ niu na naacügüü̃ nicuaꞌüü̃tchi tama name.
Nhuꞌma muü̃ma i ngetüꞌücügü rü pacügü ngẽguma nayaegu tama meã nüü̃ nacuaꞌgü taꞌacü naütchaü̃gü.
Woo ngema gutchaü̃gü nangẽmagügu, nhaã aicuma niĩ na . . .
Nate namaꞌmaã na guü̃gutáma nawüigu nataãẽgü tá.
Tupana nüü̃ narüngü̃ẽẽ i papagü rü mamagü na naacügüü̃ ngetchaü̃maã nanguꞌẽẽgü.
Tupana nüna naã ngetüꞌücücaꞌ rü pacücaꞌ norü cuaꞌ na meã namaẽ ngẽguma nayaegu.
Notürü, nhuãcü? Nhaã popera nüü̃ nanaweꞌ tá 12 ucuꞌẽgü i natanüü̃gü nataãẽü̃caꞌ.
1: Nügümaã iunetagüü̃ iĩü̃
Tamaepüꞌ i nacümagü nacaꞌ nüü̃ rüngü̃ẽẽ i nate rü namaꞌ na wüiwatama nangemagü.
2: Wüigu pepuracüe
Cuma rü cumücü rüꞌena tare duü̃ü̃gü niĩgü na nawüigu namaẽmare notürü tama nawüigu narüĩnüegü?
3: Ngetchaü̃waꞌeü̃ iĩü̃
Nüü̃ cudau na nhuãcü namaã quidea rü taꞌacü cuü na cumücümaã ngetchaü̃waꞌeü̃.
4: Nüü̃́ nüü̃ nangetchaü̃
Taꞌacü cuü̃ narüngü̃ẽẽ na tama nagu narüĩnü i taꞌacü tchieü̃ i cumücüü̃́ nangema?
5: Meã peacügümaã nüü̃ niu
Tamaepüꞌ i ucuꞌẽgü na nüü̃ narüngü̃ẽẽ na cuacügüna ningaica.
6: Peacügüü̃ inayanaweꞌãtchiẽẽ
Rüꞌena ngẽguma papagü rü mamagü naacügüü̃ inayanaweꞌãtchiẽẽgu rü ngema nanaü i naacügüü̃ poraãcü nangetchaü̃?
7: Mecüma nanangúeẽẽ
Ngeü̃rüüü̃ i nacümagü peacügüü̃ cungúeẽẽ?
8: Meü̃ i cuaꞌruü̃ niĩ
Papagü rü mamagü na naacügücaꞌ meü̃ i cuaꞌruü̃ niĩgü, nümagütama nanaü taꞌacü naacügüü̃ nangúeẽẽ.
9: Nüü̃ nacuaꞌama teé quiĩü
Taꞌacü cuü̃ narüngü̃ẽẽ na tama nüü̃ curüo i taꞌacüü̃ cuyaõ?
10: Iaicümacü iĩü̃
Ngẽguma curü papagü cugu nayaõgu rü nüü̃ naweꞌ tá na cuma rü wüi i duü̃ü̃ i iaicumacü iĩü̃ na meã nayanguẽẽ i curü ore.
11: Meü̃ puracüü̃ iĩü̃
Nacaꞌ nanguꞌ na meã napuracü ngẽguma ngetüꞌücüyane rü cuü̃ rüngü̃ẽẽ i wipeꞌewa.
12: Nacaꞌ nadau i ngema nawa nangutchaü̃ü̃
Ngẽguma meã ínanguutchigu curü ngema nawa ngútchaü̃ ngema cuü̃ narüngü̃ẽẽ na cutaãẽ rü ta yeera cuamücüna cungaicama.
Yeera ngü̃ẽẽ natanüü̃güü̃caꞌ
Tupanaarü Orearü ucuꞌẽ rü tá cuü̃ rüngü̃ẽẽ na cutaãẽü̃ i ngĩgüwa rü cutanüü̃wa.
