JANI MASU! Na. 2 2018 | Fundu 12 Zo Zitovya Mabanja Kuti Ngajengi Mwalikondwa
Fundu 12 zo Zitovya Mabanja Kuti Ngajengi Mwalikondwa
Kanandi tituvwa masuzgu ngo ngachitiska kuti nthengwa zilekengi kwenda umampha. Kweni ntchinthu wuli cho chitovya kuti mabanja nganyaki ngajengi mwalikondwa?
Kwamba mu chaka cha 1990 mpaka 2015, chiŵerengeru cha ŵanthu wo amalisa nthengwa wo ŵe ndi vyaka vakujumpha 50 ku United States, chakwera ndi maulendu ngaŵi. Ndipu chiŵerengeru cha ŵanthu wo amalisa nthengwa wo ŵe ndi vyaka vakujumpha 65, chakwera ndi maulendu ngatatu.
Apapi atimbanyizgika ndi fundu zo akaswiri akamba: Akaswiri anyaki akamba kuti apapi akhumbika kuŵathamika ukongwa ŵana, penipo anyaki akamba kuti apapi akhumbika kukhwimisa ukongwa vinthu kuti awovyi ŵana ŵawu.
Achinyamata anyaki akuwa ŵaka kwambula kusambira malusu ngo ngangaziŵawovya kuti azije ndi banja lalikondwa.
Chinanga kuti ve viyo, kweni uneneska ngwakuti . . .
Ŵanthu akutorana angaja mwalikondwa munthengwa kweniso kwa umoyu wawu wosi.
Apapi angasambira mo angasambiziya ŵana ŵawu mwachanju.
Achinyamata angasambira malusu ngo ngangaziŵawovya asani akuwa.
Kumbi angachita wuli venivi? Magazini iyi, ye ndi fundu 12 zo zitovya mabanja kuti ngajengi mwalikondwa.
1: Kugomezgeka
Fundu zitatu zo zingawovya ŵanthu akutorana kuti nthengwa yawu yileki kumala.
2: Kuchitiya Vinthu Limoza
Kumbi munthu yo mukutorana nayu mutimuwona nge munthu yo muja ŵaka nayu nyumba yimoza?
3: Kutumbikana
Ziŵani vo mungakamba kweniso vo mungachita kuti munthu yo mukutorana nayu wajivwengi kuti wapaskika ulemu.
4: Kugowoka
Ntchinthu wuli cho chingakuwovyani kuti mulekengi kukumbuka vinthu vo munthu yo mukutorana nayu wanangisa?
5: Kukambiskana
Fundu zitatu zo zingakuwovyani kuti mukambiskanengi mwakufwatuka ndi ŵana ŵinu.
6: Chilangu
Kumbi chilangu chichitiska kuti mwana wayambi kujikayikiya?
7: Mijalidu Yamampha
Kumbi ndi mijalidu niyi yo mukhumbika kusambiza ŵana ŵinu?
8: Chakuwoniyapu Chamampha
Asani mukhumba kuti ŵana ŵinu achitengi vo mutiŵakambiya, namwi muchitengi mwakukoliyana ndi vo mukamba.
9: Mbiri Yinu
Kumbi achinyamata angachita wuli kuti akambengi vo agomezga mwambula mantha?
10: Kuthembeka
Asani apapi ŵinu atikuthembani ndi nthowa yimoza yo yilongo kuti mukuwa.
11: Kulimbikiya Ntchitu
Kusambira kugwira ntchitu mwakulimbikiya mweche achinyamata, kungakuwovyani kuti vinthu vikuyendiyeningi umampha pa umoyu winu.
12: Kuja ndi Vilatu
Kufiska vilatu vo mwe navu kungakuwovyani kuti mulekengi kujikayikiya, muyanjanengi ndi anyinu kweniso kuti mukondwengi ukongwa.
Fundu Zinyaki zo Zingawovya Mabanja
Ulongozgi wa m’Bayibolu ungakuwovyani kuti vinthu vikuyendiyeningi umampha munthengwa yinu kweniso kuti mujengi mwalikondwa.
