¡KʼEʼAN! Núm. 2, 2018 | 12 puntoʼik bʼa oj ajyuk gusto ja pamilya
12 puntoʼik bʼa oj ajyuk gusto ja pamilya
Ja bʼa jtyempotik jelni xtaxi tiʼal ja spiljel sbʼaj ja pamilya, pe ¿jas yuj ayto pamilyaʼik tsoman? ¿Jastal wa xbʼobʼyujile?
Ja bʼa Estados Unidos, ja bʼa jabʼilik 1990 man 2015, ja jastal wa skʼutsu ja snupanel ja kristyanoʼik bʼa ayiʼoj mas ja 50 jabʼili ekʼ chabʼ tanto mas sok jaxa bʼa mas ja 65 jabʼili ekʼ oxe tanto mas.
Jujuntik matik jel chapane wa xyalawe ke tʼilan oj toyxuk ja untik yuja jas wa skʼulaneʼi, jaxa tuk wa xyalawe mas lek ja tsatsal mandari. Ja nantataliki mixa snaʼa jas oj skʼuluke.
Yajni ja keremtik akʼixuk wa xjul skʼujole mini ayiʼoje ja snajelik bʼa skʼulajel luchar ja sakʼanile.
Pe ja jaw ojni bʼobʼ tukbʼuk.
Ojni bʼobʼ ajyuk jun nupanel bʼa gusto sok bʼa tolabida.
Ja nantataliki ojni bʼobʼ snebʼe stojel ja yuntikile sok yajalkʼujol.
Ja keremtik akʼixuk ojni bʼobʼ kʼotuke kristyanoʼik bʼa oj spensaraʼuk lek ja yajni xjul skʼujole.
¿Jastal oj bʼobʼuk? Ja número it bʼa ¡Kʼeʼan! oj yawi 12 puntoʼik bʼa oj ajyukotik gusto ja bʼa pamilya.
1. Ja puesto ajyel lajan bʼa tolabida ja bʼa nupanel
Oxe rasonik jel xmakuni bʼa oj skoltaya bʼa mi oj jomuk jawa nupaneli.
2. Ja aʼtel lajan
¿Kʼotel maʼ anupabʼajex ma kechan juna moj naʼits?
3. Ja kʼulwanel respetar
¿Jastik yaljelik sok jastik modoʼal oj jexuk bʼa oj yabʼ waxa kʼulan respetar jawa nupi?
4. Ja yajel perdon
¿Jasa oj skoltaya bʼa mi jaʼ oj wajuka kʼujol ja spaltaʼik jawa nupi?
5. Kʼajyel loʼilanel
Oxe rason bʼa oj skoltaya mojxel soka wa wuntikili.
6. Tojwanel
¿Oj maʼ syajbʼes ja jastal ay xyabʼ ja wa wuntikil ta waxa tojo?
7. Sjejel lekil modoʼalik
¿Jastik lekil modoʼal tʼilan oja jeyi jawa wuntikili?
8. Yajel ja sjejel
Nantatalik, ta waxa kʼana oj skʼuʼukawilex jawa wuntikilexi, tʼilani oja kʼulukex ja jas oja jeʼexi.
9. Snajel machun kʼotela
¿Jastal oj bʼobʼ skoltaye ja keremtik akʼixuk ja skʼuʼajel yiʼojeʼi?
10. Jeʼa wa xbʼobʼ jipjuka kʼujolex
Ja oj sjip skʼujole amok jawa nantati juni jasunuk mas tʼilan ja bʼa wa sakʼanili.
11. Kʼotan jun lekil aʼtijum
Snebʼjel yabʼjel stsamalil ja aʼtel yajni keremato, ojni skoltaya bʼa stajel ja jas waxa kʼana.
12. Ajyela kʼelsatik
Stajel jawa kʼelsatik wani xya jipa kʼujol mas bʼa weʼna, bʼa oj ajyan mas kʼubʼan soka wa wamigoʼiki sok ajyel mas gusto.
Tuk koltanelik sbʼaja pamilyaʼiki
Ja rasonik bʼa Biblia ojni bʼobʼ skoltaya bʼa oj ajyukawuj juna pamilya bʼa gusto.
