¡WIKʼAME ASIT! Número 2, 2018 | ¿Bin-utʼil ta tael te tseʼel oʼtanil ta familia?
¿Bin-utʼil ta tael te tseʼel oʼtanil ta familia?
Ta ora ini bayal familiaetik maba jun ayik ta yutil snaik, pero ay familiaetik te jun ayike. ¿Bin koltaybilik yuʼun?
Jich bitʼil ya yakʼ ta naʼel te INEGI te machʼatik la slajinbeyik sjunal te snujpunelik ta México ta yaʼbilal 2009, jaʼ 84,302 ta tul. Pero ta 2019 mo yajtalul ta 160,107 ta tul.
Ay machʼatik ya yalik te jaʼ lek te ya kutsilkʼoptaytik te kal jnichʼnabtik ta spisil te bin lek ya spasike, pero ay yantik ya yalik te jaʼ lek te tulan koʼtantik ta stojolike. Te meʼil tatiletik ma snaʼ bin ya spasikix yuʼun.
Ay achʼix keremetik te ma la snopik aʼtel sok te ma snaʼ swentainbel sbaik ta stukelik.
Pero ayuk smukʼul awoʼtan.
Ya xjuʼ te tseʼel awoʼtan ya xkuxinat spisil-ora sok te afamilia.
Te meʼil tatiletik ya xjuʼ ya snopik stojobtesel te yal snichʼnabik sok skʼuxul yoʼtanik.
Te achʼix keremetik ya xjuʼ te ya snopik kuxinel ta lek sok te ya snaʼ swentainbel sbaike.
Pero, ¿bin-utʼil ya xjuʼ ta tael spisil-abi? Te revista ini ya yalbey skʼoplal 12 ta chajp te bin ya xjuʼ ta pasel swenta ya jtatik te tseʼel oʼtanil ta jfamiliatik.
1: Ayuk skʼoplal ta awoʼtanik te anujpunelike
Oxeb bin ya xjuʼ ya apasik swenta maba ya awijkitay abaik.
2: Talel kʼaxel xa akoltay abaik
¿Jun-naxbal ayex ta smelelil o jaʼnax ajokinej abaik ta nainel?
3: Ichʼa abaik ta mukʼ
Ilawil bintik ya xjuʼ ya awalbey te ajoy o bintik ya xjuʼ ya apas ta stojol swenta ichʼbil ta mukʼ awuʼun ya yaʼiy sba.
4: Pasbeya abaik perdón
¿Bin ya skoltayat yuʼun ma jaʼuk ya xbajt ta awoʼtan yilel te banti ya xchʼay te ajoye?
5: Kʼopojanik sok te awal anichʼnabike
Ilawil oxeb bin ya xjuʼ ya apas swenta lek ya awil aba sok te awal anichʼnabe.
6: Tojobtesaik te awal anichʼnabike
¿Yabal awutsʼinbey yoʼtan te awal anichʼnab teme ya atojobtese?
7: Akʼbeya snopik te bin lek ta pasel
¿Bintik lek ya skʼan ya awakʼbey snop te awal anichʼnabe?
8: Akʼbeya yilik lekil ejemplo
Meʼil tatiletik, teme ya akʼanik te ya schʼuunik te bin ya awalbeyik te awal anichʼnabike, ya skʼan te jaʼex nail ya apasik te bin ya awalbeyike.
9: Te bin yilel atalel
¿Bin-utʼil ya xjuʼ ya scholik ta stojol yantik te bin schʼuunejik te jchʼieletike?
10: Ayuk smukʼul yoʼtanik ta atojol te yantike
Kʼax mukʼ skʼoplal ta akuxlejal te ya smukʼulin yoʼtanik ta atojol te ameʼ atate.
11: Mulana aʼtel
Teme ya amulan aʼtel te kʼalal achʼix keremat-to-ae ya skoltayat ta stael te bin ya akʼan ya apas ta patil bael ta akuxlejal.
12: Nopa bin ya apas ta akuxlejal
Kʼalal ya xjuʼ awuʼun spasel te bin ya akʼane ya ata ta ilel te ay bintik yan ya xjuʼ ya apas, lekxan ya awil aba sok te awamigotak sok tseʼelxan awoʼtan ya awaʼiy aba.
Ayxan koltayel ta stojol te familiaetik
Te bin ya yal te Biblia ya skoltayat yuʼun tseʼel awoʼtan sok afamilia.
