OMASULI! No. 2 2018 | 12 Kalumbu Oco Epata li Kuate Esanju
12 Kalumbu Oco Epata li Kuate Esanju
Tua siata oku yeva ovitangi vi nyõla apata. Pole, nye ca siata oku kuatisa apata akuavo oku kuata esanju?
Oku upisa kunyamo wo 1990 kuenda wo 2015, etendelo liomanu va linyãla, ko Estados Unidos lia siata oku livokiya calua okuti, omanu vana va kuete 50 kanyamo kuenda vana va kuete ci pitahãla 65 kanyamo.
Olonjali ka via kũlĩhĩle eci vi linga. Olonoño vimue via popia okuti, olonjali vi sukila oku pandiya omãla vavo otembo yosi. Olonoño vikuavo vi popia okuti, vi sukila oku tõlisapo vali epindiso va eca komãla.
Amalẽhe va kasi oku pitĩla vutunga wakulu okuti, ka va lipongiyile.
Ndaño lovitangi viaco, ocili ceci okuti . . .
Olohuela vi pondola oku kala omunga yimue yi kala otembo yalua kuenda oku nena esanju.
Olonjali vi pondola oku lilongisa oku pindisa omãla vavo locisola.
Amalẽhe va pondola oku kuata ovoloño a sukiliwa eci va linga akulu.
Eci ci tẽliwa ndati? Omasuli! yilo, yi ka lekisa 12 kalumbu oco epata li kuate esanju.
1: Ohuminyo
Olonumbi vitatu vi kuatisa olohueli oku kala kumosi.
2: Oku li Kuatisa Pokati
Anga hẽ ove lulume wove ale ukãi wove vu kasi ño ndomanu va kasi vohondo yimuamue?
3: Esumbilo
Kũlĩhĩsa olondaka kuenda ovilinga vi kuete esilivilo oco ulume ale ukãi wove a liyeve okuti wa sumbiwa.
4: Oku Ecela
Nye ci pondola oku ku kuatisa oku yuvula oku tiamisila utima kakulueya ohueli yove?
5: Oku Sapela
Ananga atatu a velapo a pondola oku ku kuatisa oku pamisa ukamba wove lomãla vove.
6: Epindiso
Anga hẽ epindiso li tepulula esumbilo liomãla?
7: Ovituwa Viwa
Ovituwa vipi viwa o sukila oku longisa komãla vove?
8: Ongangu
Nda o yongola okuti omãla vove va pokola kueci o popia, ovilinga viove vi sukila oku likuata lolondaka viove.
9: Oku li Kũlĩha
Nye ci kuatisa amalẽhe oku yuvula oku yanduluka ovina va tava?
10: Oku Koleliwa
Oku sanda onjila yoku koleliwa lolonjali viove, ci lekisa okuti o kasi oku kala omunu umue wa loñoloha.
11: Oku Kala Onalavãyi
Oku lilongisa oku sola upange walua osimbu wumalẽhe, ci pondola oku ku kuatisa kovaso yoloneke.
12: Ovimãho
Oku tẽlisa ovimãho viove, ci ku kuatisa oku kolapo, oku pamisa ukamba wove la vakuene kuenda esanju liove li livokiya.
Ekuatiso Likuavo Kepata
Alungulo Embimbiliya a pondola oku ku kuatisa oku kuata esanju volohuela kuenda vomuenyo wepata.
