AJIMUCHE! Na. 2 2018 | Yindu 12 Yakamuchisya Maŵasa Kuŵa Gakusangalala
Yindu 12 Yakamuchisya Maŵasa Kuŵa Gakusangalala
Pana yejinji yayikusatendekasya kuti maŵasa gakajendaga chenene. Nambo ana chichi chachikusakamuchisya maŵasa gane kuti yindu yijendeje chenene?
Chiŵalanjilo chekulungwa cha maulombela gagakusamala chili cha ŵalombane ŵakwete yaka ya m’ma 65, kulekangana ni ŵa yaka ya m’ma 50. Yeleyi yiwonechele mu kuwungunya kukwatendekwe pasikati pa yaka ya m’ma 1990 ni 2015, ku United States.
Achinangolo akusasokonechela nganisyo: Ŵandu ŵalijiganye ŵane akusaŵecheta kuti kuli chenene kwalapililaga ŵanache ndaŵi ni katema. Nambo ŵane akusati ŵanache akusosekwa kwapaga chilango chakupweteka mnope pakusaka kwajongolela.
Ŵachinyamata ŵajinji akusayika pakukula ali nganakola yakwakamuchisya kuti yindu yajendeleje chenene pa umi wawo.
Atamose yili myoyo, nambo yisyesyene yakwe yili yakuti . . .
Ulombela mpaka ujendeje chenene soni kuŵa mkamulano wangamala.
Achinangolo mpaka alijiganye kwajamuka ŵanache ŵawo mwachinonyelo.
Ŵachinyamata mpaka apate yakwakamuchisya pakukula.
Ana yeleyi mpaka yikomboleche chamtuli? Magasini ajino ja Ajimuche! jikusala yindu 12 yakamuchisya liŵasa kuŵa lyakusangalala.
1: Aŵeje Ŵakulipeleka mu Ulombela
Yindu yitatu yampaka yikamuchisye ŵalombane kutamila yalumo.
2: Atendeje Yindu Mwakamulana
Ana ŵamkwawo akusagamba kwawona mpela mjawo jwakutama najo nyumba jimo jwanganaŵa najo paulombela?
3: Achimbichisyaneje
Alijiganyeje kusosekwa kwa maloŵe soni yitendo yampaka yakamuchisye wamkwawo kulipikana kuti akusiŵachimbichisya.
4: Akululuchilaneje
Ana chichi champaka chakamuchisye kuliŵalila yaŵalemwechesye ŵamkwawo?
5: Aŵechetaneje
Yindu yitatu yampaka yakamuchisye kuti aŵe paunasi ni ŵanache ŵawo.
6: Ŵajamucheje
Ana chamuko chikusamlongolela mwanache kuti atande kulikayichila?
7: Ndamo Syambone
Ana ni ndamo syapi syakusosekwa kumjiganya mwanche kuti akule chenene?
8: Aŵeje Chisyasyo Chambone
Naga akusasaka kuti yakusaŵecheta kwa ŵanache ŵawo yayicheje pamtima, yikusosekwa kuti yiŵeje yakamulana ni chisyasyo chawo.
9: Akoleje Yitendo Yambone
Ana ŵachinyamata mpaka aŵe ŵakulimba chamtuli pa chikulupi chawo?
10: Aŵeje Ŵakulupichika
Naga akuŵa ŵakulupichika apano kwa achinangolo ŵawo, yichakamuchisya pachachikulapo.
11: Alimbichileje Masengo
Kulijiganya kamula masengo mwakulimbichila pali jwachinyamata kuchakamuchisya paumi wawo.
12: Akoleje Yakulinga
Mundu jwangakola yakulinga akusaŵaga jwakulikayichila, jwangasangalala soni ngakusaŵa paunasi wakulimba ni achimjakwe.
Yindu Yine Yakamuchisya Maŵasa
Yindu yakamuchisya ya m’Baibulo mpaka yakamuchisye kuŵa ŵakusangalala mu lombela soni paumi wawo.
