OTU OKORIOM (OLỌ OTUUGHẠ) June 2019
Otu okoriom mọ ophọn phọ apamanhạm rumhuoghaạph ilọ unwanyụ August 5–September 1, 2019
‘Igona Loor Obọ Oye Kiikeleghi Ghan Bọ Inyina Aboọr Ologhi’!
ASetan ophelegbe esi obi ghan awe. Ika kụ idị odị rakparaghạ ghan ookeleghi ayira obọ yira okiton oḍuạ esi aZihova?
Nyu Ghan Alher Torobọ Iyaạr Dị Awe Ogim Osophoghom Ayira Olegheri Enaạn!
Ekpisi phọ yira omite bọ ḅilẹ r’eḍighinom iyaạr ekpisi phọ obobọ askul dị yira oghị, ketue ni etir iitughiạn phọ ayira emạ eten obobọ ekarạph eten. Ika kụ idị dị yira kotuur osighẹ “iikparạ” iitughiạn dị edi ologhi ayira?
Beḍenọm Ghan AZihova Mem Dị Nạ Odi Esi Ooḅaghamiạn Aloor
Oboom ooḅaghamiạn aloor ketue ni ekọm iiḅaghamị engọ loor ayira r’iitughiạn ayira. Yira kotue ni otuughạ ibadị araraạr esi ooḅeghiọm ipẹ aZihova aloghonaạn bọ ḍighaạgh rebenẹ odị okaran ooḅaghamiạn aloor, iḍiodi phọ.
Loghonaạn Ḍighaạgh Bunhọn Okaran Ooḅaghamiạn Aloor
ALọt, Job, r’aNaomi ukumu ni aZihova eten dị oḅạr, kuolọ bidị umoọgh ni ooḅaghamiạn aloor dị ewạ mọ bidị okparaghạm siphẹ adọl aghuḍum mọ abidị. Yira otuughạ eeghe esi ipẹ emitenaan bọ bidị?
Ilọ Okạr Oghoph Asiloor Ayira Osighẹ Esi Aḍiniin Aḍiphil aSetan
Asifoto edaḅạ eḍighi ni ḍiphil dị ibadị momeel li oḍighanaan. Ika kụ idị yira kotue okel eḍighinom iyaạr phọ ephẹn i/ḅaạl bọ?
Aḍikpooghinheen Aḍinyạ Iḍiodi Phọ Dị “Mootariọn”
Lhạ phọ 1970, awe dị ruguphogh ghan de kowaaghị raraạr umhiịn ni ḍikpooghinheen aḍinyạ dị aniạn melhe enhuemị epẹ Izrạl ekpisi dị oghol mọ Ein Gedi. bidị usighẹ 3-D kamarạ kụ ophoghomiom bịn omhiịn igẹ phọ edi bọ olhoghi aḍinyạ phọ etigheri iduọn bidị u/tue bọ uutariọn. Ophoghomiom bọ umhiịn eeghe?
