JUTAKPƆXƆ (TATA ENUKPLAKPLATƆ) Juin 2019
Enukplakpla nyɔtawo so 5 août yi 1er septembre 2019 yí le tata cɛ mɛ
‘Míle zanŋte nɔ woŋgbetrɔ tamɛ nɔ mí o’!
Satana bi le amɛbleble mɛ. Lé ejenɔ agbla do mɔ yeakpɔ ŋsɛn do mì ji nɔ mìatrɔ gbeɖe Yehowa ɖɛɔ?
Gbe susu ɖeshiaɖe ci yí trɔkpe Mawu nukplakpla!
Akɔta ci mɛ mìso, ekpla ci mìxɔ koɖo enu ciwo mɛ mìto kpɔnɔ ŋsɛn nywi alo ŋsɛn dɔndɔn do mìwo susu ji. Lé mìawɛ ahun adɛn vwin ciwo yí ‘lo do gogwiɖe’ le mìwo susumɛ ti doɔ?
Ðoŋ do Yehowa nu nɔ èxa le eoɖeki mɛ
Nɔ mìlokɔ nu kpɔ sugbɔ alo na nɔ hwenu jinjinɖeɔ, atɛnŋ ana mìale dɔ̀ alo atɛnŋ adahɛn nu le mì nu le seselelanmɛ kpaxwe. Mìatɛnŋ akpla nu sugbɔ so lé Yehowa kpedo yi sɛntɔwo nu le blema yí woɖu enulolokpɔ ji.
Kpedo mɛbuwo nu nɔ wotokɔ cukaɖawo mɛ
Loti, Job, koɖo Naomi sɛn Yehowa le gbejinɔnɔ mɛ; ganke le wowo gbemɛɔ, wodo go xaxa hwenu sɛnŋ ciwo mɛ wodo ji le. Nyi mìatɛnŋ akpla so enu ci yí jɔ do wo ji mɛɔ?
Enu ci mìawa nɔ mìŋgbeje Satana fɛnca ɖeka mɛ o
Mawu sɛntɔ sugbɔ je mamaɖeɖenuwo kpɔkpɔ fɛnca mɛ. Lé mìatɛnŋ aze nɔ enuwana xoɖ HS.1yixoɖ HS.1yi cɛ doɔ?
Blema wemaxlaxla ɖeka ci wotɛnŋ vahlɛn
Le xwe 1970 mɛɔ, nyigbanmɛnumɛkutɔwo kpɔ wemaxlaxla ɖeka ci yí bi zo le Ein Gedi le Izraɛli jumɛ. Mashinni fotoɖenu yoyu ciwo yí vato wɛ mɔ, wotɛnŋ kpɔ vluvlumɛ ni le foto mɛ. Nyi yí wokpɔ le foto lɔwo mɛɔ?
