KAPOSHI WA KUTALILA— WAKULILONGESA
Junho de 2019
Kaposhi yono kali ni mitwe ya kulilongesa ha 5 Agosto ndo ha 1 Setembro 2019
‘Kanyamenu, Niumwe Kanda Anupwisa Funge’!
Satana kakwete utotombo wa kwonga nawo atu. Kuchi Satana akweseka kutupiangula hanga twehuke Yehova?
Tukumbenu Manyonga Eswe waze Akulimika ni Chinyingi cha Zambi!
Manyonga jetu kanji-kanji kalita ni kuze twakolelele, chako chetu ni shikola yize twalilongesele. Kuchi mutuhasa kutukula ndako jipi jize hijinatande miji mu mbunge yetu?
Fuliela Muli Yehova Muze Uli mu Yipikalo
Kulipikala chinji muchihasa kupihisa mujimba ni manyonga jetu. Mutuhasa kulilongesa chinji ha kuhengwola chize Yehova akwashile tuvumbi twenyi ku shakula hanga akumbe yipikalo.
Kwasa Akwenu Hanga Akumbe Yipikalo Yo
Lote, Yombi ni Noemi, kalingilile Yehova ni ushishiko weswe, chipwe chocho, kapalikile mu yipikalo yinji ku mwono wo. Yika mutulilongesa ha yilweza yo?
Chize Mutulifunga ku Umwe Muheto wa Satana
Yizulie ya sonyi hiyinapiangula tuvumbi anji a Zambi. Kuchi muhasa kwehuka muheto wa kutala yizulie ya sonyi?
Chimwe Chivungo Chikulu ya “Chivungulula”
Ha mwaka 1970 akwa-kuvumbwojola yuma yikulu, kavumbwile chimwe chivungo chawema mu Ein Gedi, Izalele. Kupalikila mu tecnica ya 3-D, yahasa “kuvungulula” chivungo chacho. Yika te yili ha chivungo chacho?
