MENARA JAGA—EDISI DIKENA BELAJAR Jun 2019
Majalah tu ngundan artikel ti dipelajar kena 5 Ogos–1 September 2019
“Anang Nejuka Orang Nipu Kita”!
Sitan landik nipu orang. Baka ni iya nguji ngelimpangka runding kitai sereta ngasuh kitai ngelaban Jehovah?
Nuan Ulih Ngubah Chara Nuan Berunding!
Chara kitai berunding kesuah agi nitihka chara idup, adat bansa, sereta pelajar kitai. Baka ni kitai ulih muai semua utai ti jai ke udah beurat ba runding kitai?
Bepanggai ba Jehovah Lebuh Napi Pengirau sereta Penusah ba Ati
Kelalu balat irau tauka kelalu lama irau ulih ngachau pengerai tubuh enggau emosi kitai. Kitai ulih belajar ari chara Jehovah nulung nembiak Iya menya napi pengirau sereta penusah ba ati.
Nulung Sida ke Napi Penusah ba Pengidup
Lot, Jop, enggau Naomi nyembah Jehovah enggau taluk, tang sida agi napi penusah ba pengidup sida. Nama ulih dipelajarka kitai ari utai ke nyadi ba sida?
Chara Ngelindung Diri Ari Panjuk Sitan
Pornografi udah manjuk mayuh nembiak Petara. Baka ni kitai ulih nyeliahka pengawa ti enda tuchi tu?
Gulung Surat ti Lama Ditemu
Ba taun 1970, bala arkeologi tetemuka siti gulung surat ti udah balat lau di menua Israel. Taja pia, nengah teknologi 3-D ti moden, gulung surat nya ulih discan sereta dibacha. Nama ditemu sida ari scan nya?
