UWOU-ERORO NA—UVITHA UWUHRẸ Akpe 2019
Ma jọ uvitha nana wo izoẹme nọ a ti wuhrẹ evaọ Akpegbivẹ 2 rite 29, 2019.
1919—Ikpe Udhusoi nọ I Kpemu
Evaọ 1919, Jihova o fiobọhọ kẹ ahwo riẹ wo ajọwha nọ a rọ ta usi uwoma na vi epaọ anwẹdẹ kpobi. Rekọ taure oyena o tẹ te via, o gwọlọ nọ enwene ologbo ọ rẹ romavia evaọ iruẹru Emọ-Uwuhrẹ Ebaibol na.
Ẹdhoguo Ọghẹnẹ—Kọ Ẹsikpobi Ọ rẹ Kẹ Unuovẹvẹ Evaọ Ẹruoke?
Jihova Ọghẹnẹ ọ be vẹvẹ ahwo-akpọ unu kpahe okpẹtu jọ nọ ọ wọhọ ofou ọwhibo, onọ u ti yoma vi ofou ọwhibo kpobi nọ ahwo a yo kpahe no. Oghẹrẹ vẹ ọ be rọ vẹvẹ ahwo unu?
Wo Ọwhọ kẹ Iruo na Evaọ Abọ Urere “Edẹ Urere Na”
Eme ọ te via nọ “edẹ urere na” i te kuhọ no? Kọ eme Jihova ọ gwọlọ nọ ma re ru nọ ma be hẹrẹ eware nana?
Ẹmeoyo Evaọ Etoke “Uye Ulogbo” Na
Eme Jihova ọ te gwọlọ nọ ma ru evaọ oke “uye ulogbo” na? Kọ ẹvẹ ma sae rọ ruẹrẹ oma kpahe enẹna re ma sai yoẹme evaọ oke yena?
Eme Jihova O ti Ru Owhẹ Zihe Ro?
Evaọ oke anwae, Jihova ọ kẹ isiuru gbe ẹgba nọ a ro ru ẹjiroro riẹ gba. Ẹvẹ Jihova o bi ro fiobọhọ kẹ idibo riẹ re a sai ru iruo nọ ọ kẹ rai nẹnẹ?
Romakẹ Jihova Riẹriẹriẹ
Se kpahe abọ ivẹ jọ evaọ uzuazọ mai nọ i ti fiobọhọ kẹ omai riẹ sọ ma be romakẹ Jihova riẹriẹriẹ.
