LABAINGA! Na. 1 2020 | Byo Mwafwainwa Kuba na Bijikila
Ano moba bijikila byakilamo. Nangwa byonkabyo, kuji byo mwafwainwa kuba pa kuba’mba mukepesheko bijikila.
Nanchi Muji na Bijikila Nyi?
Kuji bintu byo mwafwainwa kuba pa kuba’mba mukepesheko bijikila.
Ñanyi Bintu Bilengela Kwikala na Bijikila?
Monai bintu bilengela bijikila kabiji yukai bya kuba inge pajipo bimo bimulengela kwikala na bijikila.
Bijikila Biya Byepi?
Bijikila kechi bipwa mu bwikalo ne. Tangai muyuke bijikila byo bilengela mubiji kwikala mu lukatazho.
Bya Kuba na Bijikila
Tangai muyuke mafunde a mu Baibolo akonsha kwimukwasha kuyuka bya kuba na bijikila nangwa kwibikepeshako.
Twakonsha Kwikala Bwikalo bwa Kubula Bijikila
Atweba bene kechi twakonsha kupwisha bintu bitulengela kwikala na bijikila ne. Bino Mulenga wetu, aye uji na bulume bwa kwibipwisha.
“Muchima Watekanya Upana Bumi ku Mubiji”
Abino byambo biji pa Byambo bya Maana 14:30, bimwesha kuba’mba byaamba Baibolo bingila kimye kyonse.
