¡WEʼKTZA! Tajlal 2 2021 | ¿Ape tecnología in mandarin moqa aya?
¿Ape tecnología in mandarin moqa aya? In kubʼ kyximen nim xjal qa jaku tzʼok kyxqʼuqin kyibʼ tiʼj tzeʼn in najbʼen celular kyuʼn, tableta, computadora, Internet moqa alkyexku juntl tiʼ at toklen tukʼil tecnología. Qa mintiʼ ma tzʼok kyxqʼuqin kyibʼ, chebʼe chebʼe jaku tzaj tiʼn nya bʼaʼn kyiʼj ex at maj mintiʼ in nel kynikʼ tiʼj.
¿Tiʼ nya bʼaʼn jaku tzaj tiʼn tecnología kyiʼj qamiw?
Jaku tzʼonin tecnología tuʼn tyolina kyukʼil tamiwa, axpe ikx jaku kubʼ tnaʼna qa nqayin taʼya kytxlaj.
¿Tiʼ nya bʼaʼn jaku tzaj tiʼn tecnología kyiʼj qkʼwal?
Maske jun rat in bʼant kyuʼn kʼwal tiʼj tecnología, il tiʼj tuʼn kyxi onit.
¿Tiʼ nya bʼaʼn jaku tzaj tiʼn tecnología tiʼj qmejebʼleʼn?
Jaku tzʼonin tecnología kyiʼj mejebʼleʼn qa ma tzʼajbʼen kyuʼn toj tumel.
¿Tiʼ nya bʼaʼn jaku tzaj tiʼn tecnología tiʼj qximbʼetz?
Qa kukx in najbʼen tecnología quʼn, bʼalo kwest tuʼn quʼjin, tuʼn tok qqʼoʼn qwiʼ tiʼj jun tiʼ moqa jun rat in bʼaj qgan. Qʼonka twitza tiʼj oxe nabʼil jaku che onin tiʼja.
Jaku kanet mas tqanil tuʼna toj jw.org
¿Alkyeqe xnaqʼtzbʼil taja tuʼn tel tnikʼa tiʼj?
Qe xnaqʼtzbʼil jaku che kanet tuʼna toj uʼj lu
Bʼaʼn tuʼn tel tnikʼa tiʼj tiʼ jaku tzaj kyiʼj tamiwa, kyiʼj tkʼwala, tiʼj tmejebʼleʼna ex tiʼj t-ximbʼetza tuʼn tecnología.
