AJU XQʼUQIL Tajlal 3 2021 | ¿Tzeʼn jaku ten jun tbʼanel qanqʼibʼil?
¿Tiʼ jaku bʼant tuʼna tuʼn ttzalaja toj ambʼil tzul? In tzaj tqʼamaʼn uʼj lu tiʼ in bʼant kyuʼn nim xjal tuʼn kytzalaj toj ambʼil tzul, ax ikx tzul tyekʼin tzeʼn jaku kanet axix tok tzalajbʼil tuʼna.
Kykyaqil xjal kyaj tuʼn tten jun tbʼanel kyanqʼibʼil toj ambʼil tzul
Aj t-xi nya bʼaʼn toj il, ¿atpe jun tiʼ jaku tzʼonin qiʼj?
¿Alkyeqe tiʼchaq in nok qeʼ kykʼuʼj xjal tiʼj?
In kubʼ kyximen nim xjal qa jaku ten jun tbʼanel kyanqʼibʼil aj tok qeʼ kykʼuʼj tiʼj horóscopo, tiʼj feng shui, ex kyiʼj toj kyja o che kyim.
¿Jakupe ten jun tbʼanel tanqʼibʼila tuʼn xnaqʼtzbʼil moqa tuʼn pwaq?
O tzʼel kynikʼ nim xjal tiʼj qa mintiʼ in che tzalaj maske o tzʼetz nim kyxnaqʼtzbʼil moqa at nim kypwaq.
¿Jakupe ten jun tbʼanel tanqʼibʼila qa ma tzʼoka te tbʼanel xjal?
Mlay ten jun tbʼanel qanqʼibʼil toj ambʼil tzul noq tuʼnju in qo ok te tbʼanel xjal.
¿Tiʼ jaku tzʼonin tiʼja tuʼn tten jun tbʼanel tanqʼibʼila?
Aj tkubʼ qximen tiʼ tuʼn t-xi qbʼinchaʼn jun tiʼ, chʼixme tkyaqil maj in qo jyon onbʼil tukʼil jun xjal ma tijen moqa at mas tnabʼil qwitz. Ax jlu kbʼantel quʼn qa qaj tuʼn tel qnikʼ tiʼjju kbʼajel toj ambʼil tzul.
Toj tqʼabʼa taʼ qa taja tuʼn tten jun tbʼanel tanqʼibʼila
¿Tiʼ jaku bʼant quʼn?
¿Tzeʼn jaku ten jun tbʼanel qanqʼibʼil?
¿Tiʼ jaku tzʼonin qiʼj tuʼn tten jun tbʼanel qanqʼibʼil toj ambʼil tzul?
