¡SARTAPJJAÑÄNI! 2022 Núm. 1 | Aka jan wali pacharojj kunjamsa saykatsna
Akapachajj jukʼamp jan walinwa uñjasi. Terremotonaka, jachʼa thayanaka, yaqha ukhamanaka utjatapata jan ukajj jaqen jan walinak utjayatapatwa sapürutjam waljanejj tʼaqesipjje. Ukanakamp jan aynachtʼañatakejja, ¿kunsa jumasa familiamasa lurapjjasma?
Aka jan wali pacharojja ¿kunjamsa saykatsna?
Jan walinakan uñjasïta ukhajja, jankʼakiw jarkʼaqasiñatakejj kuns lurañama, familiamarus jarkʼaqañama.
1 | Jan usuntañatak cuidasim
Jan usuntañatak cuidasïta ukhajja, jan walinakarojj saykatätawa.
2 | Qollqem jan ina chʼusar gastamti
Qollqem sum apnaqäta ukhajja, jan walin uñjaskäta ukhajj yanaptʼätamwa.
3 | Familiamar sum uñjam
Kunas chacha warmjam sum apasiñatakisa, amigonakamat jan jitheqtañatakisa, wawanakamamp sum apasiñatakis yanaptʼiristam uk liytʼam.
4 | Suytʼaskakiñamawa janiw qarjtañamäkiti
Bibliajja jakäwin kuna jan walinakatï utjki ukanakar saykatañataki, jutïr uru kusisita suytʼañatakiw yanaptʼistu.
¡Sartapjjañäni! sat aka revistajj kunanakats parli
Jan walinakar saykatañatakejj kunas jumarusa familiamarusa yanaptʼiristam uk yatjjatam.
