NOGA! No. 1 2022
Tanobada ena oromana ia dika ia lao lalonai, ita momo be disasta bona taunimanima ese idia havaraia dika idauidau amo hisihisi ita davaria noho. Unai gaudia oi haheaukalaia bona emu lalokau taudia gimaia dalana oi dibaia be namo.
Hekwakwanai Tanobadana ai—Edena Bamona Do Oi Goada Noho?
Dika ia vara neganai, namona be oi gaukara goada oi bona emu famili oi gimaia totona.
1 Emu Tauanina Oi Naria
Iseda tauanina ita naria namonamo neganai, metau gaudia ita haheaukalaia diba.
2 Emu Gaukara Bona Moni Oi Naria
Moni oi naria namonamo neganai, oi hegaegae diba hekwakwanai oi hanaia totona.
3 Emu Lalokau Taudia Oi Gimaia
Emu adavana, emu turadia bona emu natudia oi tura henia namonamo totona heduru daladia do oi dibaia.
4 Emu Helaro Oi Gimaia
Baibel ese ita ia durua mauri ena hekwakwanai ita haheaukalaia bona nega vaira totona helaro ia henia.
Inai Noga! Lalonai
Inai magasin ena atikol ese oi bona emu famili do ia durua hari idia vara hekwakwanai umui haheaukalaia totona.
