AJSI AAWU! Ajl 1, 2022 | Xnumtaak li chʼaʼajkilal saʼ ruuchichʼochʼ, chanru xqʼaxbʼal ru?
Tik xʼosoʼk li ruuchichʼochʼ. Rajlal naabʼalebʼ li kristiʼaan nekeʼxkʼul rahilal xbʼaan li kaqsut-iqʼ, li hiik malaj xbʼaan li rahilal li naxkʼam chaq li winq. Tzol kʼaru taabʼaanu re xnumsinkil ebʼ li chʼaʼajkilal aʼin ut re xkolbʼal aawibʼ ut xkolbʼal laajunkabʼal.
Xnumtaak li chʼaʼajkilal saʼ ruuchichʼochʼ, chanru xqʼaxbʼal ru?
Naq nakʼulmank junaq li rahilal, aajel ru naq tatnaʼlebʼaq chiʼus re xkolbʼal aawibʼ ut xkolbʼal laajunkabʼal.
1 | Kol laakawilal
Wi nakaakʼe aachʼool chirix laakawilal tatruuq xqʼaxbʼal ru yalaq kʼaru li rahilal.
2 | Kol rix laatumin
Wi nakaawoksi chiʼus laatumin, ak kawresinbʼilat naq tchalq junaq li chʼaʼajkilal.
3 | Kʼe aachʼool chirix laajunkabʼal
Kʼe reetal wiibʼ oxibʼ li naʼlebʼ li tatxtenqʼa re xkʼebʼal aachʼool chirix laasumlajik, laawamiiw ut ebʼ laawalal aakʼajol.
4 | Maatzʼeq laawoybʼenihom
Li Santil Hu nokooxtenqʼa chi xqʼaxbʼal ru ebʼ li chʼaʼajkilal ut naxkʼe qoybʼenihom.
Saʼ li hu aʼin Ajsi aawu!
Kʼe reetal wiibʼ oxibʼ li naʼlebʼ li tatxtenqʼa ut tixtenqʼa laajunkabʼal re xqʼaxbʼal ru ebʼ li chʼaʼajkilal.
