LABAINGA! Na. 1 2022
Bintu mu ntanda byo bibena kutaminakotu, atweba bavula tubena kupita mu bintu byakatazha bibena kubiwa na mambo a bya malwa biponakotu bine ne makatazho abena kuleta bantu. Fundai byo mwakonsha kuba na ano makatazho ne byo mwakonsha kwizhikijila ne kuzhikijila bantu bo mwatemwa.
Mu Ntanda ya Malwa—Mwakonsha Kuba Byepi?
Umvwe mubena kupita mu bya malwa, mwafwainwa kubapo bintu bimo pa kuba’mba mwizhikijile anweba bene ne kuzhikijila kisemi kyenu.
1 Zhikijilai Butuntulu Bwenu bwa Mubiji
Inge muji na butuntulu bwa mubiji bwawama, mukenengezha kufuukula bintu bulongo mu kimye kya bya malwa.
2 Zhikijilai Bintu Byanema mu Bwikalo
Inge mwingijisha bulongo mali kikemupelela kuyuka bya kuba inge bya malwa byamweka.
3 Zhikijilai Bantu bo Mwatemwa
Tangai bintu byakonsha kwimukwasha kuzhikijila masongola enu, balunda nenu, ne baana benu.
4 Zhikijilai Luketekelo Lwenu
Baibolo witukwasha kuyuka bya kuba na makatazho a mu bwikalo ne kwitupa luketekelo lwa bwikalo bwa kulutwe.
Biji mu uno Labainga!
Tangai bibaaba byakonsha kwimukwasha anweba ne kisemi kyenu kuyuka bya kuba na bya malwa bibena kupitamo bantu.
