¡WEʼKTZA! Tajlal 1 2022 | ¿Tiʼ jaku bʼant quʼn tuʼn qex kywitz nya bʼaʼn?
Mas in xiʼ nya bʼaʼn toj il ex mas nim xjal in tzaj yajbʼil kyiʼj aj ttzaj jun xitbʼil tuʼnx twitz txʼotxʼ moqa aj ttzaj nya bʼaʼn kyuʼn xjal. ¿Tiʼ jaku bʼant kyuʼne tuʼn miʼn ttzaj bʼajxix kykʼuʼje tuʼn tkyaqil jlu?
¿Tiʼ jaku bʼant quʼn tuʼn qex kywitz nya bʼaʼn?
Aj tok weʼya twitz jun nya bʼaʼn, nim toklen tuʼn tbʼant junjun tiʼchaq tuʼna tuʼntzun tok t-xqʼuqin tibʼa ex tuʼn t-xqʼuqina kyiʼj toj tjaya.
1 | Xqʼuqink tibʼa tuʼn miʼn ttzaj yabʼil tiʼja
Qa ma tzʼok t-xqʼuqin tibʼa tuʼn miʼn ttzaj jun yabʼil tiʼja, kʼonil tiʼja tuʼn texa twitz jun nya bʼaʼn.
2 | Xqʼuqink tpwaqa
Qa in najbʼen pwaq tuʼna toj tumel, mas kʼonil tiʼja aj tok weʼya twitz jun nya bʼaʼn.
3 | Miʼn tzʼel tpan tibʼa kyiʼj xjal kʼujlaʼn tuʼna
Qʼonka twitza kyiʼj junjun consej jaku che onin tiʼja tuʼn tok t-xqʼuqina tmejebʼleʼna, qe tamiwa ex aju tamiwbʼila at kyukʼil tkʼwala.
4 | Miʼn tzaj bʼaj tkʼuʼja
In nonin Tyol Dios qiʼj tuʼn qex kywitz nya bʼaʼn ex in tzaj tqʼuqbʼaʼn qkʼuʼj.
Qe xnaqʼtzbʼil tkuʼx toj uʼj lu
Bʼaʼn tuʼn tjaw tuʼjina junjun nabʼil jaku tzʼonin tiʼja ex kyiʼj toj tjaya tuʼn kyexe kywitz nya bʼaʼn.
