¡XTLACHIAKAN! Núm. 1 2022
Aman más yopeuj nochiua tlen xkuajli. Miyekej tlajyouiyaj pampa tlaixpoliui niman pampa miyekej kichiuaj tlen xkuajli. ¿Tlenon uelis tikchiuas tejua niman mofamilia para nenkixikoskej nochi tlen xkuajli panotika?
¿Kenon uelis tikxikos nochi tlen xkuajli panotika?
Ijkuak panoua itlaj tlen xkuajli, noneki nimantsin itlaj tikchiuas niman ijkon timotlajpiyas niman tiktlajpiyas mofamilia.
1 | Xmotlajpiya maka tikualos
Tla timotlajpiya maka tikualos, más uelis titlaxikos ijkuak tikixnamikis itlaj tlen xkuajli.
2 | Xmalui motomintsin
Tla kuajli tijkui motomin, tikpiyas tlen ika timopanoltis, maski tla kampa tichanti peua tlatlasojti.
3 | Xkintlajpiya akin tikintlasojtla
Xkita seki tlen uelis mitspaleuis kuajli xmouika iuan moixnamik, maka xkintlalkaui moamigos niman kuajli xmouika iuan mokoneuan.
4 | Xmatsto ika tlayektlaliuis
Biblia techpaleuiya matikxikokan tlen xkuajli panotika niman techijlia ika ajsis se tonajli ijkuak kuajli tinemiskej.
Tlen kipiya yejuin revista
Xkita seki tlen uelis mitspaleuis tejua niman mofamilia xxikokan nochi tlen xkuajli panotikaj
