FAOSO! No. 1 2022 | Ulidanö Safönu Abula Dödö—Hewisa Wanaögöda Daʼö?
Itugu fawuka zalua ba gulidanö. Ato niha si göna famakao börö bencana alam ba amuata si lö sökhi nifalua niha. Na daʼö zalua khöu, hewisa enaʼö tola ötaögö ba lö abölö-bölö sibai örasoi lua-luania simanö göi niha niʼomasiʼöu? Alui wanema linia ba majalah daʼa.
Ulidanö Safönu Abula Dödö—Hewisa Wanaögöda Daʼö?
Na alua khöu gabula dödö, moguna öhalö gangetula ba wolumöʼö yaʼugö hegöi ösi nomomö.
1 | Rorogö Mbotomö Faböi Mofökhö
Na öhaogö wondrorogö botomö, tola ötaögö ngawalö gabula dödö salua.
2 | Yaʼahono Dödöu ba Zinöndramö
Na onekheʼö wombagi kefemö, daʼö zanolo yaʼugö ba wanaögö krisis salua ba zi so miföna.
3 | Rorogö Gamakhaita si Sökhi ba Niha Böʼö
Angeragö wanuturu lala solumöʼö fongambatömö, fahuwusamö hegöi amakhaita si sökhi ba ndraonomö.
4 | Böi Aetu Dötönaföu
Itolo ita Sura Niʼamoniʼö ba wanaögö salua ba waʼaurida ba ibeʼe khöda dötönafö ba zi so miföna.
Si So ba Majalah Daʼa
Na öbaso artikel daʼa, tobali fanolomö hegöi ösi nomomö ba wanaögö salua ba gulidanö andre.
