ONTWAAKT! Nr. 1 2022 | Fa yu kan kibri yusrefi na ini wan bruya grontapu?
Dei fu dei a situwâsi na grontapu e kon moro takru fu di rampu e pasa èn libisma e tyari problema kon. A bakapisi na taki moro fu wi e pina. Den artikel disi o sori yu san yu kan du te den sani disi miti yu èn fa yu kan kibri yusrefi nanga den lobiwan fu yu.
Fa yu kan kibri yusrefi na ini wan bruya grontapu?
Te ogri sani miti yu, yu musu de klariklari fu teki bosroiti fu kibri yusrefi nanga yu osofamiri.
1 | Meki muiti fu tan gosontu
Efu yu e meki muiti fu tan gosontu, dan a o moro makelek gi yu fu horidoro na ini muilek situwâsi.
2 | Meki muiti fu no lasi den sani di yu abi fanowdu fu tan na libi
Te yu e gebroiki yu moni na wan koni fasi dan dati o yepi fu kibri yusrefi te problema opo kon.
3 | Tan bun mati nanga trawan
Luku wan tu rai di kan yepi yu fu kon abi wan moro bun trowlibi, fu kon de wan moro bun mati nanga trawan èn fu yepi yu pikin.
4 | Tan abi wan tranga howpu
Bijbel e yepi wi fu horidoro te problema miti wi èn a e gi wi howpu gi a ten di e kon.
Na ini na Ontwaakt! disi
Leisi den artikel di kan yepi yu nanga yu osofamiri fu kibri unsrefi na ini a grontapu disi di bruya srefisrefi.
