NACAꞌ IDAUTCHI! N° 1 2022 gu | Gutchaü̃gü i naãnearü tawa — Taꞌacü tá cuüü̃?
Naãnearü tawa, gutchaü̃gü rü nayamuẽẽ. Muü̃tchi i yiemagü rü tiõẽgü nagagu i ĩãꞌãtchianegü, nabaitchianegü rü to i gutchaü̃gü i duü̃ü̃gügagu. Nüü̃ nadau taꞌacü tá cuüü̃ na cugü rü nüü̃ ícupoü̃caꞌ ya teé nüü̃ cungetchaü̃.
Gutchaü̃gü i naãnearü tawa — Taꞌacü tá cuüü̃?
Ngẽguma gutchaü̃ cuü̃ nangupetügu, nüü̃ cucuaꞌ i taꞌacü cuüü̃ rü nüü̃ ínapoü̃ i cuma rü cutanüü̃.
1 | Nüü̃ ínapoü̃ i cuü̃ne
Ngẽguma meã nüna cudaugu i cuü̃ne rü meã nüü̃ curüporamaẽ i gutchaü̃gü.
2 | Meã nüna nadau i curü dĩẽru rü ngẽmaü̃gü
Ngẽguma meã namaã ícucuágu i curü dĩẽru, meã nüü̃ curüporamaẽ i gutchaü̃gü.
3 | Yeera cumücügüna ngaicama
Nüü̃ nadau nümaü̃ i ngü̃ẽẽgü na nüü̃ ícupoü̃caꞌ i curü ngĩ, cumücügü rü cuacügü.
4 | Nüü̃ naporaẽẽ i curü õ
Tupanaarü Ore rü tüü̃ narüngẽẽ na nüü̃ tarüporamaẽgüü̃caꞌ i maü̃arü gutchaü̃gü rü tamaã iunetaü̃ na meü̃ nangupetüü̃ tá i wipeꞌewa.
Nhaa poperawa Nacaꞌ idautchi!
Nawa naugütae i natchigagü na cuü̃ rü cutanüü̃ü̃ narüngü̃ẽẽ tá i gutchaü̃güwa.
