¡WIKʼAME ASIT! Número 1, 2022
Ta jujun kʼajkʼal yak ta tsʼilajel te Balumilal. Bayal ants winiketik ya xkʼax swokolik ta skaj te ya xkʼax te bintik ya sjin jilel te Balumilal sok te bintik ma lek ya spas te ants winiketike. ¿Bin ya xjuʼ ya apasik yuʼun ma bayaluk ya xkʼax awokol sok te afamiliae?
Te bin-utʼil ta sitintayel te wokolil
Ya skʼan te chapalukat ta yorail wokol yuʼun ya akanantay aba sok te afamilia.
1 | Kanantaya aba
Teme ya akanantay aba, chapal ayat yuʼun ya asitintay te tulan wokoliletik.
2 | Naʼa stuuntesel atakʼin
Teme ya anaʼ stuuntesel ta lek te atakʼin, yame xjuʼ awuʼun sitintayel te wokolil te kʼalal ya xtale.
3 | Kanantaya te afamilia
Ilawil bin ya xjuʼ ya skoltayat yuʼun spisil-ora tseʼel awoʼtan ta anujpunel, sok awamigotak soknix te awal anichʼnab.
4 | Mame xchʼay smukʼul awoʼtan
Te Biblia ya skoltayotik ta sitintayel wokoliletik sok ya yakʼ smukʼul koʼtantik.
Ta revista ini
Ilawil te bin ya xjuʼ ya skoltayat sok te afamilia ta sitintayel te wokolil.
