FARE WULYANG KO DAMIT No. 1 2023 | Be Mo’maw’ ni Ngaun Lem nib Fel’ Rogon—Rogon Nra Pi’ e Bible e Ayuw
Bokum milyon e girdi’ u ga’ngin yang e fayleng ni bay e m’ar rorad ni ma mo’maw’nag ni ngaur lemgad nib fel’ rogon. Gubin mit e girdi’ ni tin kab fel’ yangarrad nge tin kar pilibthirgad nib thilthil urngin e salpiy rorad, nge tolngin e skul rorad, nge nam rorad, nge teliw rorad ni be yib e re m’ar ney ngorad. Mang e pi m’ar nem ni ma mo’maw’nag ko girdi’ ni ngaur lemgad nib fel’ rogon, ma uw rogon ni ma gafgownagrad? Re ke babyor ney e ra weliy feni ga’ fan ni nge un e pi girdi’ ney ko bin nib puluw e tafalay nge rogon nrayog ni nge ayuwegrad e Bible.
Ba Magawon u Rogon e Lem ni Ma Tay e Girdi’
Re n’ey ni nge kireb ban’en ko man’ey rok be’ e demtrug yangaren e girdi’ nrayog ni nge yib ngorad ara rarogon e gin kar bad riy. Mu guy rogon nra ayuweg e pi fonow u Bible e lem ni ga ma tay.
Ma Lemnagem Got
Mang fan nrayog ni nge pagan’um ndariy be’ ni manang rogon lanin’um nge migid Jehovah Got?
1 | Meybil—“Mpaged Fan Urngin e Magafan’ Romed Ngak”
Rayog ni ngam yibilay ngak Got murung’agen e pi n’en be magafan’um ngay, fa? Mang angin e meybil ngak e piin ma magafan’rad?
2 | “Athamgil Laniyan’ ni Be Pi’ e Thin ko Babyor nib Thothup Ngodad”
Be yog e Bible ndab ki n’uw nap’an me chuw e pi n’en ma k’aring e amith nga lanin’dad.
3 | Rogon Nrayog ni Nge Ayuwegem Boch e Girdi’ ni Bay Murung’agrad u Bible
Pi pumoon nge ppin ni be weliy e Bible murung’agrad ni ur lemgad ni bod gadad e rayog ni nge ayuwegdad ni ngad nanged ni ku immoy boch e girdi’ ni ur gafgowgad ni bod gadad, maku i magafan’rad ma yad be lemnag boch ban’en nde puluw.
4 | Bay e Fonow nib Manigil u Bible
Mu guy rogon nrayog ni ngam athamgil u fithik’ e pi n’en ma mo’maw’nag rogon ni ngaum lem nib fel’ rogon ni faanra um beeg boch e thin nu Bible nra pi’ e athamgil nga lanin’um ma ga be nameg boch ban’en nrayog rom.
Rogon ni Ngan Ayuweg e Piin Bay e Pi M’ar Ney Rorad
Ga ra ognag e ayuw ngak reb e fager rom ni bay ba mit e m’ar rok ni ma mo’maw’nag rogon ni nge lem nib fel’ rogon, ma aram e rayog ni ngam ayuweg.