Yoñ:

• Lipep inyu tôp

1. 1.Nok dinuni di ntôp tjémbi,

   Tehe kii oñd i nkiiña.

   Yak mu nsôsôgô u nla kil,

   Yak ngii i néhi, hiañgaa hi mbai.

   U nleege i bôt u ngwés:

   Mam ma hélha ’nyu mis moñ.

   Paradis hana isi,

   I bé toi ndigi bebee.

2. 2.Ndap yada yé nyoo nsôsôgô;

   Ndap ’pe yé ngii hikôa.

   Maséé ma yé homa nyensô,

   Lép u nkuli wee loñge kôa.

   Matam malam ma yé wom;

   Ma yé ndik bem libumbul.

   Mam malam ma nkoñ unu,

   Ma bé toi ndigi bebee.

   (NYAÑGA)

   Maséé i kap ni bôt u ngwés.

   I mam di bé bem ni hônba.

   Gwiiha bi mal, maéa ma mal;

   Nkoñ ’yé yondo, niñ ’yé yondo.

3. 3.Emble kiñ maséé i nlôl nyoo.

   Bikai bi numb loñge njiñ.

   U ntôde mbôô hiki kegla,

   Ndi yak bôt u ngwés, u nhoñol ki.

   Di nyéga Yéhôva, Djob jés.

   inyu gwéha yé keñi.

   Ndi bisai di yé kôhna.

   Bi bé toi ndigi bebee.

   (NYAÑGA)

   Me yé maséé i kal hi kel,

   “Kinje loñge i tehe we!”

   Hi kel ni kel, me bé emel,

   Ndi, nano, me nla sambla we.

4. 4.Hônba mam ma yé njel,

   Homa me nsômbôl tehe.

   Mbônga u Yéhôva a nti,

   U yé maliga, u yé mbale.

   Me nla bé nimis makénd mem,

   Ngeñ me nhoñol mam ma nlo.

   Ñem wem wonsô u mbem mo,

   Ma yé toi ndigi bebee.